Alengka

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Alengka utawa Krajan Alengka utawa Lanka (Sansekerta: लंका ; "lankā", maknané “pulo”) iku jeneng sawijining krajan sing madeg ing sawijining pulo ing sisih kidul India sing diprintah déning Raja Rawana ing zaman Ramayana. Ing zaman saiki, krajan kasebut dikenal kanthi jeneng Sri Lanka. Krajan kasebut dibentengi déning sawijining plato ing antara telu puncak gunung sing dikenal minangka Gunung Trikuta. Puncak sing paling dhuwur saka gunung kasebut dikenal kanthi jeneng puncak Adam. Ibukutha Krajan Alengka ing zaman kuna naé diobong déning Hanuman.

Sawisé Rawana diprejaya déning Rama Ragawa, tahta krajan kasebut dipasrahaké marang adik Rawana, Wibisana. Sawisé iku, tahta krajan tansah dilenggahi déning keturunané, malah nganti ing zaman Mahabharata. Jroning kisah Mahabharata, Sahadewa ngunjungi negeri kasebut kanggo njupuk upeti kanggo ndhukung upacara Rajasuya sing diselenggarakaké déning Raja Yudistira.

Versi Pewayangan Jawa[sunting | sunting sumber]

Jroning pewayangan Jawa, krajan Alengka kerep dipocapaké kanthi jeneng Ngalengkadiraja. Krajan iki idhèntik karo Rahwana, tokoh antagonis jroning Ramayana.

Raja Pisanan[sunting | sunting sumber]

Raja pisanan Alengka yaiku Prabu Hiranyakasipu. Raja iki kalibet paprangan nglawan Sri Maharaja Sunda, yaiku raja Jawa Kulon panjélman Batara Brahma. Hiranyakasipu pungkasané séda ing tangan Sri Maharaja Suman, panjélman Batara Wisnu.

Hiranyakasipu banjur digantèkaké déning putrané sing jenengé Banjaranjali, sing nyerah marang Brahma lan Wisnu.

Raja Pungkasan[sunting | sunting sumber]

Raja pungkasan Alengka yaiku Rahwana. Amarga pratingkahé nyulik Sinta garwané Rama, banjur ngalami ajuring negara. Sawisé Rahwana, takhta Alengka dilenggahi adiné, yaiku Wibisana. Miturut tradhisi Jawa yèn istana lama sing wis dirusak mungsuh pantang dienggoni, mula Wibisana bangun istana anyar sing jenengé Singgelapura.

Wiwit pamaréntahan Wibisana, krajan Alengka ganti jeneng dadi Krajan Singgelapura.


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Alengka&oldid=863070"