Krajan Andhra

Saka Wikipédia Jawa, bauwarna mardika basa Jawa

Andhra (Telugu: ఆంధ్ర) wonten ing literatur epik India inggih punika salah satunggaling karajan ingkang dipunsebataken wonten salebeting epik Mahabharata. Karajan punika wonten ing laladan India sisih kidul. Andhra ugi asring dipunsebat Kalinga. Andhras Paradesh wonten ing India ugi dipunduga saking karajan punika.

Suku Andhra ugi dipunsebataken wonten Wayu Purana saha Matsya. Wonten salebeting Mahabharata, infanteri saking Satyaki gadhah suku, ingkang asma Andhras. Titikanipun suku punika rikmanipun dawa, tiyangipun inggil-inggil, basanipun saé, sarta perkasa. Suku punika manggèn wonten ing pinggir lepen Godavari. Wonten ing perang Mahabharata, Andhras mihak Korawa.