Gedhang gorèng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gedhang gorèng
Goreng pisang.jpg
Gedhang gorèng
Informasi
Asal Indonésia
Dhaérah Jawa
Penyajian lan bahan
Bahan gedhang


Gedhang gorèng iku panganan sing bahané saka gedhang, banjur dioncèki lan digorèng kanggo nyamikan. Cara panggawéné gedhang goreng:

  • gedhang dioncèki saka kulité banjur disigar dadi 2.
  • banyu, gula pasir, panili setengah bungkus, uyah sacukupé, diudheg bareng glepung gandum.
  • gedhang kang wis dioncèki mau dicemplungaké ing adonan iku banjur digorèng nganti mateng.
  • gedhang siap didhahar.

Gedhang luwih énak lan cocog didhahar minangka nyamikan ing wayah soré lan ing wayah udan, didhahar barengan teh utawa kopi.

Ora kabèh gedhang cocog kanggo gawé gedahng gorèng. Jinis gedhang sing cocog kanggo gawé gedhang gorèng antara liya jinis gedhang kepok, gedhang raja lan gedhang nangka. Déné jinis gedhang sing kurang cocog digawé gedhang gorèng antara liya jinis gedhang susu, gedhang ambon, gedang mas. Sawetara jinis gedhang kaya gedhang kepok lan gedhang byar (Basa Indonésia: Pisang tanduk) luwih cocog yèn digawé gedhang godhog.

Asal usul[sunting | sunting sumber]

Gedhang gorèng dikenalaké ing taun 1511 déning bangsa Portugis sing ndadèkaké gedhang gorèng minangka panganan kanggo sarapan. Sadurungé tekané bangsa Portugis, gedhang ora tau dimasak nanging langsung dipangan. Portugis uga ngenalaké cara nggorèng gedhang sing dibungkus glepung.



Sumber artikel punika saking kaca situs web: "http://jv.wikipedia.org/w/index.php?title=Gedhang_gorèng&oldid=829232"