Saté

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Saté
Sate Blora.JPG
Saté Blora
Informasi
Asal Indonésia
Dhaérah Jawa
Penyajian lan bahan
Bahan daging

Saté iku panganan arupa masakan kang digawé saka daging kang disunduki sujèn lan dibakar ing dhuwur areng, banjur didhahar karo sambel.[1] Saté akèh macemé, ana saté pitik, saté wedhus, saté kebo, saté sapi,saté jaran lan saté saka daging liyané.[1] Sambel kanggo saté umumé ana rong werna, yaiku sambel kacang lan sambel kécap.[1]

Jenis saté[sunting | sunting sumber]

Miturut bahan daging[sunting | sunting sumber]

saté ayam, saté buntel, saté wedhus, saté kerang, saté kalong (digawé saka kebo), saté laler (digawé sak daging wedhus utawa ayam), saté lembat, saté pentul, saté sapi, saté urang, saté babi, saté kelinci, saté endog enom, saté torpedo, saté babi, saté jamu, saté bulus, saté bekicot, saté ula , Saté jaran[1]

Sate Buntel[sunting | sunting sumber]

Sate buntel kalebu panganan khas Solo.[1] Sate buntel digawe saka daging wedhus kang kairis dadu cilik-cilik.[1] Lemak saka daging wedhus bakal langsung leleh yen dibakar. [1]Lemak kang ngresep ing daging, bakal gawe daging tambah enak.[1] Daging wedhus rasane gurih, empuk, saya enak yen dipangan karo sambel kecap lombok rawit.[1]

Sate buntel iki rasane enak lan wujude katon apik.[1] Sate buntel iki uga ana campuran resep saka Arab.[1] Sate buntel digawe saka daging wedhus kang diiris kotak-kotak lan dicampur bumbu kaya bawang, brambang lan mrica.[1] Daging kang wis dibumboni banjur digawe empel-empelan ing sada banjur dibungkus utawa dibuntel lemak wedhus kanh tipis.[1] Sawise mateng sate dijupuk saka sada lan disigar loro, banjur dibakar maneh supaya ora ana daging kang gembel.[1] Sate kang asale gedhe sawise dibakar banjur dadi cilik.[1] Sate buntel rasane gurih lan bumbune ngresep ing sate.[1] Saliyane iku, ambune uga enak lan sedhep.[1] Saporsi sate buntel biyasane bisa dipangan wong loro, amarga ukuran satene kang gedhe banget.[1] Sawise mateng, sate buntel banjur diwenehi kecap kang rada encer, bawang lan brambang kang diiris-iris, timun lan sambel.[1] Sate buntel paling enak dipangan yen lagi mateng amarga satene isih anget lan lemake isih krasa banget.[1]

Saté kelinci[sunting | sunting sumber]

Sate kelinci yaiku satè kang digawé saka daging kelinci.[2] Sate kelinci kalebu panganan kang asalé saka [Cirebon]].[2] Satè kelinci uga akeh khasiaté, salah sijine bisa kanggo wanita kang mandhul, lan penyakit impoténsi.[2]

Bahan lan bumbu[3]

  1. daging kelinci, dikethok cilik-cilik lan di gawé satè, carané disunduhuki ganggo sundhuk satè[3]
  2. 1 ons bawang[3]
  3. 1/2 kg kacang brol[3]
  4. 1/4 gula abang[3]
  5. 10 lombok abang[3]
  6. 10 lombok rawit[3]
  7. 10 lembar godhong jeruk nipis[3]
  8. 5 siung brambang, rajang alus[3]
  9. banyu putih sacukupe[3]
  10. kecap[3]

Cara masaké[3]

  1. Bawang, kacang brol, lombok abang, lombok rawit digoréng sangan[3]
  2. Aluske bahan-bahan mau kanthi diuleg nganti alus[3]
  3. Tambahke gula abang, godhong jetuk nipis banjur uleg manéh[3]
  4. Bagi bumbu kacang dadi loro, separo kanggo mbakar sate separo kanggo bumbu yèn wis mateng[3]
  5. Celupna satè ing bumbu kacang, banjur bakar nganti mateng[3]
  6. Satè sing wis mateng banjur diséléhaké ing piring lan diwénéhi sambel kacang[3]
  7. Wuwuri brambang kang wis dirajang[3]
  8. Satè bisa dipangan karo sega utawa lontong[3]

Saté Jamur[sunting | sunting sumber]

Saté jamur cocok kanggo para végétarian.[4] Satè iki rasané meh pada kaya saté pitik ananging bahané saka jamur.[4] Jamur kang dienggo nggawé saté bisa jamur merang lan uga jamur kancing.[4] Bahan:

  1. 500 gram jamur kancing utawa jamur merang, kethok dadi loro[5]
  2. 1/2 gelas banyu asem jawa[5]
  3. 2 sdm kécap legi[5]
  4. 2 lembar godhong jeruk[5]
  5. 1/4 sdt uyah[5]
  6. 3 sdm lengo goréng[5]
  7. tusuk saté[5]

Bumbu kang dialuske

  1. 1 ruas driji laos[5]
  2. 1 ruas driji jaé[5]
  3. 50 gram kemiri[5]
  4. 2 siung bawang[5]
  5. 5 butir brambang[5]
  6. 5 sdm gula abang[5]

Cara nggawé

  1. panaské lenga goréng, tumis bumbu kang dialuské, udheg nganti ambuné wangi[5]
  2. campurké jamur, masak jamur nganti alum[5]
  3. sunduki 4-5 jamur nganggo sunduk satè[5]
  4. bakar nganti jamur mateng[5]

Miturut dhaérah[sunting | sunting sumber]

saté Banjar, saté Betawi, saté Blora, saté Madura, saté Maranggi, saté Matang, saté Padang, saté Ponorogo, saté Tegal, saté sapi khas Ungaran, saté rambat (saté monyet)

Galeri Saté[sunting | sunting sumber]

Cathetan suku[sunting | sunting sumber]

  1. ^ a b c d e f g h i j k l m n o p q r s t (id)[1](dipunundhuh tanggal 10 April)
  2. ^ a b c (id)[2](dipunundhuh taggal 10 April)
  3. ^ a b c d e f g h i j k l m n o p q r s t (id)[3](dipunundhuh tanggal 10 April 2011)
  4. ^ a b c (id)[www.kabarinews.com/?35426](dipunundhuh tanggal 10 April 2011)
  5. ^ a b c d e f g h i j k l m n o p q (id)[4](dipuundhuh tanggal 10 April 2011)

Deleng uga[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Saté&oldid=839731"