Jamur merang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jamur merang
Volvariella volvacea
Klasifikasi èlmiah
krajan: Fungi
divisio: Basidiomycota
kelas: Homobasidiomycetes
ordo: Agaricales
kulawarga: Pluteaceae
Genus: Volvariella
Species: V. volvacea
Jeneng binomial
Volvariella volvacea
(Bulliard ex Fries) Singer

Jamur merang (Volvariella volvacea, sinonim: Volvaria volvacea, Agaricus volvaceus, Amanita virgata utawi Vaginata virgata) ing basa Aceh dipunwastani kulat jeramoe.[1] Jamur merang menika salah setunggaling spesies jamur pangan ingkang kathah dipunbudidayakaken wonten ing Asia Wétan saha Asia Kidul-wétan ingkang nggadhahi iklim tropis utawi subtropis.[1] Nami jamur merang menika asalipun saking basa Tionghoa cǎogū (Hanzi).[1]

Jamur merang nggadhahi wangun bunder kados tigan.[1] Jamur merang werninipun coklat peteng|coklat peteng ngantos klawu saha dipuntutupi mawi selubung.[1] Jamur merang ingkang diwasa nggadhahi cawan ingkang werninipun coklat tuwa radi klawu ing bagéyan tudhungipun, déné gagangipun nggadhahi werni coklat nèm.[1] Jamur merang ingkang dipunsadé kanggé dipundhahar menika jamur merang ingkang taksih enèm saha dèrèng wonten lapisan cawan wonten tudhungipun.[1]

Jamur merang dipunbudidayakaken wonten ing wewangunan omah kaca ingkang dipunwastani kumbung.[1] Jumbuh kaliyan naminipun, jamur merang ngginakaken dami kanggé medhia tanem.[1] Dami menika sami kaliyan merang inggih menika wit pantun. [1] Miturut panalitèn, limbah kapas ugi saged dados medhia tanem ingkang saged ngasilaken asil prodhuksi ingkang saé tumprap jamur merang.[1] Jamur merang misuwur kanthi nami warm mushroom.[1] Menika amargi jamur merang saged gesang wonten ing suhu ingkang panas inggih menika antawis 30-38°C kanthi suhu ingkang paling saé inggih menika 35 °C.[1] Jamur merang menika dipunginakaken dados bahan pangan ingkang nggadhahi protein ingkang kathah.[2]

Cathetan suku[sunting | sunting sumber]

  1. ^ a b c d e f g h i j k l m (id)Jamur Pangan(dipunundhuh tanggal 16 September 2011)
  2. ^ (id)bebas.ui.ac.id(dipunundhuh tanggal 16 September 2011)
Sumber artikel punika saking kaca situs web: "http://jv.wikipedia.org/w/index.php?title=Jamur_merang&oldid=832790"