Fungi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Fungi
Temporal range: Awal Devonian - Saiki (nanging pirsani teks)
Clockwise from top left: Amanita muscaria, a basidiomycete; Sarcoscypha coccinea, an ascomycete; black bread mold, a zygomycete; a chytrid; a Penicillium conidiophore.
Klasifikasi èlmiah
Domain: Eukarya
(unranked): Opisthokonta
krajan: Fungi
(L., 1753) R.T. Moore, 1980[1]
Subkingdom/Filum


Chytridiomycota
Blastocladiomycota
Neocallimastigomycota
Glomeromycota
Zygomycota

Dikarya (inc. Deuteromycota)

Ascomycota
Basidiomycota

Istilah Fungi ora padha karo jamur. Mangga pirsani artikel kasebut kanggo informasi sabanjuré.

Fungi iku jeneng regnum saka saklompok gedhé makluk urip eukariotik heterotrof sing ngejur panganané sanjabaning badan banjur nyerep molekul nutrisi mlebu sel-selé.

Èlmu sing nyinaoni fungi disebut mikologi (saka oyot tembung Yunani μυκες, "ilu", lan λογοσ, "kawruh", "lambang").

Wangun fungi[sunting | sunting sumber]

Fungi duwé manéka wangun. Awam ngenal sebagéyan gedhé anggota Fungi minangka jamur, kapang, khamir, utawa ragi, senadyan asring sing dikarepaké yaiku panampilan njaba sing katon, dudu spesiesé dhéwé. Kangèlan jroning nepungi fungi dijalari anané pagiliran keturunan sing duwé panampilan sing béda (èlinga metamorfosis ing srangga utawa kodhok).

Tangkar-tumangkar[sunting | sunting sumber]

Fungi tangkar-tumangkar sacara seksual lan aseksual. Tangkar-tumangkar seksual kanthi cara: loro hifa saka jamur sing béda nglebur tumuli mbentuk zigot banjur zigot tuwuh dadi badan woh, éwadéné tangkar-tumangkar aseksual kanthi cara : mbentuk spora, mawa tunas utawa fragmentasi hifa. Jamur duwé kothak spora sing disebut sporangium. Ing njero sporangium ana spora. Conto jamur sing mbentuk spora yaiku Rhizopus. Conto jamur sing mbentuk tunas yaiku Saccharomyces. Hifa jamur bisa kapurus lan saben fragmen bisa tuwuh dadi badan woh.

Posisi fungi ing taksonomi[sunting | sunting sumber]

Fungi biyèn diklompokaké minangka tetanduran. Ing perkembangané, fungi dipisahaké saka tetanduran amarga akèh perkara sing béda. Fungi dudu autotrof kayata tetanduran nanging heterotrof saéngga luwih cerak marang kéwan. Upaya ndadèkaké siji fungi karo kéwan ing golongan sing padha uga gagal amarga fungi ngejur panganané ing sanjabaning badan (èksternal), ora kaya kéwan sing ngejur panganané sacara internal. Saliyané iku, sel-sel fungi duwé dinding sel sing kasusun saka kitin, ora kaya sel kéwan.

Réferènsi[sunting | sunting sumber]

  1. ^ Moore RT. (1980). "Taxonomic proposals for the classification of marine yeasts and other yeast-like fungi including the smuts". Botanica Marine 23: 361–73.


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Fungi&oldid=839209"