Kodhok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kodhok
Temporal range: Jura - Saiki
Dendropsophus microcephalus
Klasifikasi èlmiah
krajan: Animalia
filum: Chordata
kelas: Amphibia
ordo: Anura
Merrem, 1820
Subordo

Archaeobatrachia
Mesobatrachia
Neobatrachia
-
Dhaptar suku-suku kodhok

Kodhok (basa Inggris: frog) lan bangkong (b. Inggris: toad) (anake disebut percil) iku kéwan amfibi sing paling ditepungi wong ing Indonésia.[1]Amphi kang artiné rangkep loro lan Bios artiné urip utawa kéwan kang duwé balung mburi (vertebrata) bisa uripé ana ing loro alam, saengga kodhok uga bisa ngalamimetamorfosis yaiku semangsa urip ing banyu ngunakake kepet/ingsan.[1] Ambegan nganggo ingsan uga langi karo kepet buntuté.[1] Ing mangsa dewasa kodhok bisa ambegan karo paru-paru lan mlaku nganggo sikil ana ing lemah.[1]Kulawarga kéwan iki kagolong kodhok kang ora duwé buntut (anura) lang bangsa (apoda) uga kagolong amfibi kang duwé buntut lan sikil yaiku kabeh kalebu ing suku salamander (caudata/urodela). [1] Bocah-bocah biasané seneng karo kodhok amarga wanguné lucu, kerep mlumpat-mlumpat, ora tau nyokot lan ora mbebayani.[1] Mung wong diwasa sing kerep rumangsa jijik utawa wedi sing ora ana alasané marang kodhok.[1]

Awaké kodhok cendhèk, lemu utawa kuru, gegeré rada wungkuk, sikilé papat lan ora ana buntuté (anura: a ora, ura buntut).[1] Kodhok umumé duwé kulit alus, lembab, kanthi sikil mburi sing dawa. [1]Suwaliké bangkong kulité kasar mawa bintil-bintil nganti mbingkul-mbingkul, asring garing, lan sikil mburiné asring mung cendhak waé, saéngga akèh-akèhé kurang pinter mlumpat adoh. [1]

Punah[sunting | sunting sumber]

Presidén Perkumpulan Kebun Binatang se-Asia Tenggara (SEAZA) Drs Jansen Manansang M.Sc nerangaké yèn kurang luwuh 10 èwu nganti 600 èwu spesies kodhok punah.[2] Kahanan iki mrelokaké rékomendasi kanggo anané upaya konsérvasi amphibia ing Indonésia.[2]

Indonésia nduwéni spesiés kodhok kang paling akéh ing Asia lan nomer loro sadonya sawisé Brasil.[2] Ananging spesies kodhok ing Indonésia uga akéh sing punah.[2]

Ana spesies kodhok kang wis angél ditemokaké, kayata kodhok sawah kang urip ing sawah. [2]Kodhok sawah akéh sing mati amarga akéh pari kang disemprot péstisida saéngga kodhok padha keracunan lan ora gelem urip ing sawah.[2]

Saliayané iku éfék pemanasan global kang marakaké inféksi jamur clyrid uga ing méh kabéh tlatah ing donya uga ndadékaké satwa khususé amphibia dadi punah.[2]

Panalitén Global Amphibian Assessment nerangaké yèn saka 5.918 spesies amphibi , 35 spesies dipestéké punah, 1.896 spesies ing kondisi kang kritis lan 2604 spesies méh punah.[2]

Spesies anyar[sunting | sunting sumber]

Ing Panama ditemokaké spésiés kodhok anyar.[3] Ana rong spésiés anyar kang ditemokaké.[3] Kodhok kang sikilé ngglembung iki nduweni jeneng ilmiah Pristimantis educatoris. [3]Para paneliti kang ketuané herpetologis saka University of Maryland, Amerika Serikat Karen Lips nemokaké spésiés anyar iki ing El Cope, yaiku sawijining dhaérah ing njeroné Taman Nasional Omar Torrijos, Panama.[3] Kodhok iki ukura awaké cilik banget.[3] Dawane mung 0,8 nganti 1,6 inci utawa 2 nganti 4 centiméter.[3] Werna matané gabungan antarané werna abang lan kuning rada oranyé.[3]

Ana manéh spésiés anyar kang ditemokaké ing Cerro Piña, Propinsi Darien, Panama, yaiku tapal wates Kolombia.[3] Kodhok spesies anyar iki nduwéni jeneng ilmiah Pristimantis adnus. [3]Padha kaya kodhok kang ditemokaké sepisanan mau, kodhok iki uga nduwéni ukuran awak kang cilik, dawané 0,8 inci utawa rong centimeter.[3] Kulité awerna ijo kanthi motif garis-garis abu-abu.[3]


Saliyané iku ana uga spésiés-spésiés anyar kang ditemokaké nalika ékspédisi kang dipimpin déning herpetologis saka Konservasi Internasional lan Ahli Ornitologi saka Ecotropico Foundation ing pegunungan Kolombia dhaerah Tacarcuna Darien, ing tapal wates Panama.[3] Spésiés anyar iki kurang luwih ana 10 spesiés, kalebu kodhok kang kulité ana eriné lan ana telu variétas kodhok kang kulité transparan kang ditemokaké ing kawasan pegunungan ing Kolumbia.[3]

Ing wektu kurang luwih 3 minggu, para ilmuwan ngidéntifikasi kira-kira 60 spésiés amfibi, 20 réptil lan 120 spésiés manuk kang jarang ditemokaké.[3]

Saka 60 amfibi kang wis ditemokaké, ana spesies anyar kang bisa kagolongaké dadi telung kelas yaiku Nymphargus, Cochranella, lan Centrolene.[3] Kodhok beracun saka famili Dendrobatidae (genus Colostethus, Ranitomeya, lan Anomaloglossus)yaiku kodhok saka jinis Atelopus kang cacahe siji, lan kodhok saka spesies kodhok hujan saka genus Pristimantis lan siji salamander jinis Bolitoglossa.[4]

Murup[sunting | sunting sumber]

Para panaliti nemokaké yen ana spesies kodhok kang awaké bisa murup.[5] Spesies iki trakhir ditemokaké ing India kurang luwih seabad kapungkur.[5] Saka kahanan iki bisa disimpulaké yèn kéwan iki bisa urip sajroné krisis global kang nyebabaké akéh kewan amfibi kang mati.[6] Robin Moore, ahli ngenani kéwan amfibi ing Conservation International, nerangaké yèn kéwan iki ulet lan bisa tahan karo penyakit kang mbebayani.[5] Panyebabé bisa amarga daya tahan génetiké utawa spesies kang bisa murup iki pancén nduwéni baktéri kang bisa nglawan penyakit.[5]

Ing India, katemokaké limang spesies kang nduwéni keragaman hayati Ghats Barat.[5] Tuladhané spesies Chalazodes Bubble-nest frog, kang bisa murup.[5] Kamangka spesies iki terakhir katemokaké ing taun pada 1874.[5] SD Biju saka University of Delhi nerangaké yèn kodhok iki urip ing sangisoré alang-alang nalika wayah awan.[5]

Jinise kodhok[sunting | sunting sumber]

Sapérangan jenis kodhok sing umum antarané:

Kodhok alas:

Ing ngisor iki sapérangan jenis kodhok sing statusé kritis lan kaancam ing Indonésia.

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:

Cathetan suku[sunting | sunting sumber]

  1. ^ a b c d e f g h i j (id)http://berita.liputan6.com(dipunundhuh tanggal 11 Mei 2011)
  2. ^ a b c d e f g h (id)http://www.antaranews.com(dipunundhuh tanggal 11 Mei 2011)
  3. ^ a b c d e f g h i j k l m n o (id)http://www.tempointeraktif.com(dipunundhuh tanggal 11 Mei 2011)
  4. ^ (id)http://sains.kompas.com(dipunundhuh tanggal 11 Mei 2011)
  5. ^ a b c d e f g h {{id}http://www.republika.co.id(dipunundhuh tanggal 11 Mei 2011}
  6. ^ (id)http://www.greenradio.fm(dipunundhuh tanggal 11 Mei 2011)

Galeri[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kodhok&oldid=879397"