Babi guling

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Babi guling
Babi guling.jpg
Seporsi babi guling
Informasi
Asal Indonésia
Dhaérah Bali
Pangripta Suku Bali

Babi guling (ing Bali disebut be guling) kuwi sawijining panganan sing digawé saka anak babi, sing wetengé diisi bumbu lan janganan kayadéné godhong ketéla pohung lan dipanggang sinambi diputer-puter nganti mateng. Babi guling biasa digunakake ing upacara adhat lan kaagamaan ing Bali, nanging saiki babi guling wis didol minangka hidangan ing warung-warung, omah mangan, malah ing hotèl-hotèl tinamtu ing Bali. Jeneng babi guling ing dhaérah Bali luwih dikenal kanthi jeneng be guling. Sabeneré be guling bisa digawé saka jinis daging liyané kaya bèbèk lan pitik. Babi guling sing paling misuwur asal saka kabupatèn Gianyar.

Cara masak[sunting | sunting sumber]

Babi dibelèh terus diresiki kulité nganti resik. Banjur jeroane diwetokaké lan diresiki. Banjur dikumbah nganti resik. Iwak babi diumbarke utuh. Banjur disiapaké bumbu : jaé, kencur, laos, kunir, brambang, bawang, godhong serèh, godhong jeruk, godhong salam, lan lombok rawit banjur dicincang sing lembut banjur diuleg rata karo kemiri, mrica, ketumbar lan uyah dialuské banjur diulet nganti rata. Sawisé bumbu dicepakaké banjur bumbu dilebokaké ing njeroné weteng babi sing jeroané wis diresiki. Sawisé kuwi, babi disunduki nganggo kayu saka buri tekan moncongé, banjur dipanggang ing sadhuwuring geni kang mburap-mburap lan diwolak-walik supaya mateng warata.

Sawisé babi mateng, banjur diirisi lan disiapaké kanggo njangkepi masakan betutu lan lawar, uga sayur arès gedhang kang wis mateng, banjur siap didhahar kagem dhaharan upacara adat ing Bali.

Babi guling

Delengen uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Babi_guling&oldid=829301"