Coto Makassar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Coto Makassar
Coto Makassar-dish.JPG
Coto Makassar
Informasi
Asal Indonésia
Dhaérah Sulawesi Kidul Makasar
Penyajian lan bahan
Bahan jeroan sapi (utawa kebo)(babat, jantung, lan limpa)

Coto Makassar utawa Coto Mangkasara yaiku sawijining panganan arupa sup khas saka Makassar, Sulawesi Kidul.[1] Coto Makassar digawé saka bahan jeroan sapi (utawa kebo), kayata ati, babat, jantung, lan limpa kang wis digodhog kanthi wektu kang suwé. [1] [2] Godhogan jeroan kang campur karo daging sapi iki banjur diiris-iris lan dibumboni.[2] Coto Makassar iku kalebu jinis sup.[1] Kang gawé énak coto Makassar yaiku duduhé. Coto Makassar dimasak ing panci grabah kang diarani korong butta utawa uring butta lan dimasak bareng karo rampah patang pulo utawa patang puluh manéka werna rempah.[1] Rampah patang pulo yaiku kacang, miri, cengkèh, pala, feoli, sere kang diuleg alus, laos, mrica, brambang, bawang, jinten,tumbar abang, tumbar putih, jaé, laos, godhong jeruk purut, godhong salam, godhong kunir, unclang, slèdri, godhong prei, lombok abang, lombok ijo, gula talla, asem, kayu manis, uyah, katès enom kanggo ngempukake daging, lan enjet kanggo ngresiki jeroan.[2] Rempah-rempah iku gunané uga kanggo tamba kolesterol kang ana ing jeroan sapi coto makassar.[1] [2] Coto Makassar padatan dipangan bebarengan karo kupat, burasa, lan sambel tauco.[1]

Cathetan suku[sunting | sunting sumber]

  1. ^ a b c d e f (id)Coto Makassar(13 Agustus 2011)
  2. ^ a b c d (id)Peluang Bisnis Coto Makassar (13 Agustus 2011)


Sumber artikel punika saking kaca situs web: "http://jv.wikipedia.org/w/index.php?title=Coto_Makassar&oldid=831923"