Luwak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Luwak
Luwak, Paradoxurus hermaphroditus.
Lukisan déning Gustav Mützel, 1927.
Klasifikasi èlmiah
krajan: Animalia
filum: Chordata
kelas: Mammalia
ordo: Carnivora
kulawarga: Viverridae
Subkulawarga: Paradoxurinae
Genus: Paradoxurus
F. Cuvier, 1821
Species: P. hermaphroditus
Jeneng binomial
Paradoxurus hermaphroditus
(Pallas, 1777).

Luwak iku kéwan nyusoni (mamalia) sing klebu suku musang lan garangan (Viverridae). Jeneng èlmiahé yaiku Paradoxurus hermaphroditus lan ing Malaysia ditepungi minangka musang pulut. Kéwan iki uga diarani mawa manéka sebutan liya kayata musang (jeneng umum, Betawi), careuh (Sundha), musang luwak (Indonesia) sarta common palm civet, common musang, house musang utawa toddy cat jroning basa Inggris.

Jinis sing sakerabat lan panyebaran[sunting | sunting sumber]

Ana papat spesies luwak saka marga Paradoxurus, yaiku:

  1. Paradoxurus hermaphroditus, luwak, sing nyebar wiyar wiwit saka India lan bagéyan lor Pakistan ing kulon, Sri Lanka, Bangladesh, Burma, Asia Kidul-Wétan, Tiongkok kidul, Semenanjung Malaya tekan Filipina. Ing Indonésia ana ing Sumatra, Kalimantan, Jawa, Nusa Tenggara, Sulawesi bagéyan kidul, sarta Taliabu lan Seram ing Maluku.
  2. Paradoxurus zeylonensis, nyebar winates ing Sri Lanka.
  3. Paradoxurus jerdoni, nyebar winates ing negara bagéyan Kerala, India kidul.
  4. Paradoxurus lignicolor, nyebar winates ing Kapuloan Mentawai.

Jinis sing sarupa[sunting | sunting sumber]

  • Musang akar (Arctogalidia trivirgata), mawa buntut sing umumé luwih dawa saka endhas lan awaké, telu garis geger sing tanpa utawa mèh ora pedhot, lan ora duwé bintik-bintik ing sisi awaké. Musang akar urip ing alas.
  • Musang galing (Paguma larvata), biasané luwih abang (tengguli), tanpa bintik-bintik ing sisi awak, rai putih semu kuning mawa ‘topèng’ peteng semu ireng ing sekitar mata.
  • Musang rase (Viverricula indica), buntut belang-belang sampurna, ireng putih, 6-9 cacahé.

Rujukan[sunting | sunting sumber]

  • Corbet, G.B. and J.E. Hill, 1992, The Mammals of the Indomalayan Region: a systematic review. Nat. Hist. Mus. Publ. and Oxford Univ. Press.
  • Cranbrook, Earl of., 1987, Riches of the Wild: land mammals of South-east Asia. Oxford Univ. Press, Singapore. ISBN 0-19-582697-3
  • Payne, J., C.M. Francis, K. Phillipps, dan S.N. Kartikasari. 2000. Panduan Lapangan Mamalia di Kalimantan, Sabah, Sarawak & Brunei Darussalam. The Sabah Society, Wildlife Conservation Society-Indonesia Programme dan WWF Malaysia. ISBN 979-95964-0-8
  • Tweedie, M.W.F. and J.L. Harrison, 1988, Malayan Animal Life, Longman, Petaling Jaya, Selangor Darul Ehsan. ISBN 0-582-69449-3

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Luwak&oldid=826380"