Républik Portugal ya iku nagara ing Éropah bagian kidul-kulon. Nagara iki wewatesan karo Spanyol ing sisih lor lan wétan. Ing sisih kulon wewatesan karo Samudra Atlantik. Saliyané iku, Portugal uga nduwèni laladan ing Madeira, Azores lan Kapuloan Selvagens. Portugal ngeklaim sawijining laladan cilik sing jenengé Olivença kang dikuasani déning Spanyol wiwit Konggrès Wina. Jeneng lawas utawa latin saka nagara iki ya iku Lusitania.
Tembung "Portugis" sering dianggo nyebutaké padunung utawa wong orang kang asalé saka Portugal. Tembung iki uga sebutan kanggo basa kang dianggo déning bangsa iki. Nagara-nagara penutur basa Portugis sering disebut minangka nagara-nagara Lusophone.
