Kawabathah Yasǔnari

Saka Wikipédia Jawa, bauwarna mardika basa Jawa

Kawabathah Yasǔnari (Aksara Jawa: ꦤꦮꦧꦛ꦳ꦃꦪꦱꦼꦸꦤꦫꦶ ;川端 康成, Kawabata Yasunari, 11 Juni 1899 M – 16 April 1972) ya iku juru ripta nopel lan carita cêkak Nippon kang liwat karya-karyane entuk Bubungah Nobel kango Kasusastran ing taun 1968 M. Dheweke dumadi juru ripta Nippon kapisan kang entuk bubungah iki. Karya-karyane isih dilangêni dening babrayan baunagara nganti saiki.

Salah sawiji nopele kang kondhang yaiku Nagara Ima, kawiwitan ing taun 1934 M lan kawêtokake kapisan saka taun 1935 M nganti 1937 M. Nagara Ima nyritakake trêsnaning geysyah propinsi ing kutha kang mlipir ana ing laladan pagunungan Nippon Lor. Karya iki dumadekake Kawabathah saemper salah sawiji juru ripta pinunjul Nippon lan karya iki uga dumadi karya parilawas kang dikandhakake dening Edward G. Seidensticker saemper adikaryaning Kawabathah.

Sabubaring Prang Donya Kapindho, kajayaning Kawabathah kabanjur marang nopel-nopel kaya ta Sewu Bango, Swaraning Gunung, Omahing Para Putri Turu, Ayu lan Sêdhih, lan Kuthagara Lawas.

Sawang uga[besut | besut sumber]

Kasusastran Nippon