Cacing kremi

Saka Wikipédia, bauwarna bébas basa Jawa
Cacing kremi

ICD 127.4

Klasifikasi èlmiah
Krajan: Animalia
Filum: Nematoda
Kelas: Secernentea
Subkelas: Spiruria
Ordo: Oxyurida
Kulawarga: Oxyuridae
Marga: Enterobius
Species
  • Enterobius vermicularis (Linnaeus, 1758)[1]
  • Enterobius anthropopitheci (Gedoelst, 1916)[1]
  • Enterobius gregorii (Hugot, 1983) (disputed)

Cacing kremi ya iku cacing Enterobius vermicularis kang tumbuh lan ngendhog ning sakjroning usus. Cacing Enterobius vermicularis nyebabkaké infeksi cacing kremi kang disebut uga enterobiasis utawa oksiuriasis. Infeksi biasané kedaden liwat 2 tahap. Pisanan, endhog cacing pindah saka laladan sekitaré anus penderita maring klambi, seprei utawa dolanan. Nuli liwat driji tangan, endhog cacing pindah maring cangkem bocah liyané lan akiré keeleg. Endhog cacing uga bisa keserot karo angin saka irung nuli keeleg. Sawisé endhog cacing keeleg, nuli larvané netès ning njeroning usus cilik lan bakal dadi cacing dewasa ning njeroning usus gedhe (proses pematangan iki waktuné nganti 2-6 minggu). Cacing diwasa wadon nyedhaki anus (nalika bengi) kanggo nyimpen endhogé ning limpetan kulit anus. Endhog iku bisa kuat 3 minggu ning njabané awak manungsa ning suhu ruangan kang normal. Ananging endhog bisa netes luwih cepet lan cacing sing enom bisa mlebu manèh ning rektum lan usus bageyan ngisor.

Gejala[besut | besut sumber]

Gejalané keneng cacingan kayata:

  1. Rasa gatel banget ning anus
  2. Rewel (amarga rasa gatel nalika turu nalika bengi)
  3. Kurang tidur
  4. Nafsu mangan berkurang, aboté awak mudhun (jarang ditemoni, ananging bisa kedaden nalika infeksi kang parah)
  5. Rasa gatal utawa iritasi vagina (ning bocah wadon, manawa cacing diwasa mlebu maring vagina)
  6. Kulit ning pinggiré anus didi lecet, kasar, atawa dadi infeksi (merga digaruki).

Komplikasi[besut | besut sumber]

  1. Salpingitis (radang saluran indung telur)
  2. Vaginitis (radang vagina)
  3. Infeksi ulang.

Diagnosis[besut | besut sumber]

Cacing kremi bisa dideleng karo mata telanjang ning anusé sing lelara, ning wektu 1-2 jam sawisé bocahé turu nalika bengi. Cacing kremi warnané pitih lan tipisé kaya rambut, lan aktif gerak.

Endhog utawa cacingé bisa ditemukaké kanthi cara nempelaké selotip ning lipatan kulit pinggiré anus, nalika esuk sadurungé bocah tangi. Nuli selotip kasebut ditempelaké ning kaca objek lan diperiksa karo mikroskop.

Pangobatan[besut | besut sumber]

Infeksi cacing kremi bisa diobati ngan ganggo obat dosis tunggal obat anti-parasit mebendazole, albendazole utawa pirantel pamoat. Kabehé anggota kaluwarga ning saumah rumah kuduné ngombé obat obat kasebut, amarga infeksi ulang bisa nyebar saka wong liyané manèh.

Kanggo ngurangi rasa gatel, bisa diolesaké krim utawa salep anti gatél mring pinggiré anus akehé nganti 2-3 kali nggal dina. Meskipun wis diobati, sering kedaden infeksi ulang amarga endhog kang esih urip terus dibuang karo tinja seminggu suwené sawisé pangobatan. Pakaian, seprei lan dolanané bocah apiké sering dicuci kanggo musnahaké endhog cacing kang esih nempel.

Carané ngendalikaké infeksi cacing kremi ya iku:

  1. ngumbah tangan sadhurungé mangan lan sawisé ngising
  2. Ngetok kuku lan njaga resiké kuku
  3. Ngumbah seprei minimal 2 kali saminggu
  4. Ngumbah WC nggal dina
  5. Ngindari nggaruk bokong amarga bisa gawé tangan kotor lan nggal apa kang dicekel
  6. Ngadohaké tangan lan driji tangan saka irung lan cangkem.

Cathetan suku[besut | besut sumber]

Pranala njaba[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Cacing_kremi&oldid=1015283"