Mikroskop

Saka Wikipédia Jawa, bauwarna bébas abasa Jawa
Mikroskop Compound digawé déning John Cuff ing taun 1750

Mikroskop (basa Yunani: micron = cilik lan scopos = tujuwan) iku sawijining piranti kanggo ndeleng obyek sing cilik banget kanggo dideleng nganggo mata. Èlmu sing nyinaoni barang cilik kanthi migunakaké piranti iki disebut mikroskopi, lan tembung mikroskopik maknané cilik banget, ora gampang katon nganggo mata biyasa.

Jinis-jinis mikroskop[besut | besut sumber]

Jinis paling umum mikroskop, lan sing pisanan diripta, yakuwi mikroskop optis. Mikroskop iki minangka piranti optik sing dumadi saka siji utawa luwih lènsa sing mprodhuksi gambar sing digedhèkaké saka sawijining barang sing didèlèh ing babagan fokal saka lènsa mau.

Miturut sumber cahyané, mikroskop dipérang dadi loro, ya iku, mikroskop cahya lan mikroskop elektron. Mikroskop cahya dhéwé dipérang manèh dadi rong golongan gedhé, ya iku miturut kagiyatan pengamatan lan karumitan kagiyatan pengamatan sing diayahi. Miturut kagiyatan pengamatané, mikroskop cahya dibédakaké dadi mikroskop diseksi kanggo ngamati pérangan lumah lan mikroskop monokuler lan binokuler kanggo ngamati pérangan njero sèl. Mikroskop monokuler minangka mikroskop sing mung duwé 1 lènsa okulèr lan binokuler duwé 2 lènsa okuler. Miturut karumitan kagiyatan pengamatan sing diayahi, mikroskop dipérang dadi 2 pérangan, ya iku mikroskop prasaja (sing lumrahé digunakaké para murid) lan mikroskop riset (mikroskop dark-field, fluoresens, fase kontras, Nomarski DIC, lan konfokal).

Struktur mikroskop[besut | besut sumber]

Ana rong pérangan utama sing lumrahé nyusun mikroskop, ya iku:

  • Pérangan optik, sing dumadi saka kondènsor, lènsa objektif, lan lènsa okuler.
  • Pérangan non-optik, sing dumadi saka sikil lan lengen mikroskop, diafragma, méja objèk, pemutar halus lan kasar, panjepit kaca objèk, lan sumber cahya.

Pranala njaba[besut | besut sumber]