Autoklaf

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Autoklaf

Autoklaf ya iku piranti pemanas kang digunakake kanggo mensterilisasi sawijining benda kanthi nggunakake uap kang aana suhune lan tekanane dhuwur (1210C, 15 lbs) kurang luwih 15 menit.[1][2] Ngedunake tekanan ing autoklaf dudu kanggo mateni mikroorganisme, nanging kanggo ningkatake suhu ing autoklaf[1]. Suhu kang dhuwur iki kang bakal mateni microorganisme[1]. Autoklaf utamane ditujokake kanggo mateni endospora, ya iku sel resisten kang diproduksi déning bakteri, sel iki bisa tahan marang pemanasan, kegaringen, lan antibiotik[1]. Ing spesies kang pada, endospora bisa tahan ing kaanan lingkungan kang bisa mateni sel vegetatif bakteri mau[1]. Endospora bisa dipateni ing suhu 100 °C, kang minangka titik didih banyu ing tekanan atmosfer normal[1]. Ing suhu 121 °C, endospora bisa mateni ing wektu 4-5 menit. Nalika iku sel vegetatif bakteri bisa dipateni kanthi wektu 6-30 detik ing suhu 65 °C[1].

Itunganing wektu sterilisasi autoklaf dimulai nalika suhu ing autoklaf ngancik 121 °C[3]. Yen objek kang disterilisasi kandel utawa akeh, transfer panas ing jero autoklaf bakal rendhet, mula ana perpanjangan wektu pemanasan total kanggo mestekake yen kabeh objek suhune 121 °C kanggo wektu 10-15 menit[1]. Perpanjangan wektu uga dibutuhake nalika cairan ing volume gedhe bakal diautoklaf amarga volume kang gedhe mbutuhake wektu kang luwih suwe kanggo ngancik suhu sterilisasi[1]. Performa autoklaf diuji kanthi indicator biologi, tuladhane Bacillus stearothermophilus[4][5] .

Jinis-jinis[sunting | besut sumber]

Ana telung jinis autoklaf, ya iku gravity displacement, prevacuum utawa high vacuum, lan steam-flush pressure-pulse[3]. bedaning telung jinis autoklaf iki ana ing kepriye udara diilangi saka autoklaf nalika proses sterilisasi[3].

Gravity Displacement Autoclave[sunting | besut sumber]

Udara ing ruang autoklaf dipindahake mung adhedhasar gravitasi[3]. Prinsipe ya iku manfatake kaenthengan uap dibandingake karo udara, mula udara ana ing ngisore uap[3]. Carane nyambut gawé ya iku diwiwiti kanthi nglebokake uap lumantar bageyan dhuwur autoklaf mula udarane kasurung mangisor [3]. Sacara alon-alon, uap mulai dadi akeh mula ndadekake udara sansaya mudun lan metu lumantar saluran ing bageyan ngisor autoklaf, banjur suhune nambah lan kadadeyan sterilisasi[3]. Autoklaf iki bisa nyambut gawé kanthi cakupan suhu antarane 121-134 °C kanthi wektu 10-30 menit[3].

Prevacuum utawa High Vacuum Autoclave[sunting | besut sumber]

Autoklaf iki dilengkapi pompa kang ngevakuasi kabeh udara saka jero autoklaf[3]. Cara kerjane dimulai kanthi ngetokake udara[3]. Proses iki kalaksanan nganti 8-10 menit[3]. Nalika kaanan vakum ana, uap dilebokake ing jero autoklaf[3]. Akibate kevakuman udara, uap langsung berhubungan karo kabeh lumahing barang, banjur kedadeyan peningkatan suhu mula proses sterilisasi kalaksanan[3]. Autoklaf iki nyambut gawé kanthi suhu 132-135 °C lan wektune ya iku 3-4 menit[3].

Steam-Flush Pressure-Pulse Autoclave Autoklaf iki nggunakake aliran uap lan dorongan tekanan ing dhuwur tekanan atmosfer kanthi rangkaian berulang[3]. Wektu siklus ing autoklaf iki manut marang barang kang disterilisasi[3].

Delengen uga[sunting | besut sumber]

Cathetan suku[sunting | besut sumber]

  1. ^ a b c d e f g h i Madigan MT, Martinko JM, Brock TD. 2006. Brock Biology of Microorganisms. New Jersey: Pearson Prentice Hall.
  2. ^ Baird RM, Hodges NA, Denyer SP. 2000. Handbook of Microbiological Quality Control: Pharmaceutical Science. USA: CRC Press.
  3. ^ a b c d e f g h i j k l m n o p Spry C. 1997. Essential of Perioperative Nursing 2nd Edition. USA: Aspen Publishers.
  4. ^ Samaranayake LP. 2006. Essential Microbiology for Dentistry. USA: Elsevier Limited.
  5. ^ Neidleman SL. 1993. Advances in Applied Microbiology volume 39. United Kingdom: Academic Press Inc.
Sumber artikel punika saking kaca situs web: "https://jv.wikipedia.org/w/index.php?title=Autoklaf&oldid=990270"