Ophiuroidea

Saka Wikipédia, bauwarna bébas basa Jawa
Bintang ular
Temporal range: 488.2–0 Ma
Ordovician sampai Holocene
"Ophiodea" dari Kunstformen der Natur oleh Ernst Haeckel, 1904
Klasifikasi èlmiah
Domain: Eukarya
Krajan: Animalia
Filum: Echinodermata
Subfilum: Asterozoa
Kelas: Ophiuroidea
Gray, 1840
Ordo

ME Oegophiurida
Ophiurida
Phrynophiurida

Ophiuroidea utawi Bintang ular punika kéwan saking filum Echinodermata ingkang kagungan hubungan kaliyan bintang laut. Kelompok Ophiuroidea asring dipunwastani bintang ular amargi kagungan lengen ingkang dawa lan gerakanipun kados obahing ula [1] . Kewan kasebut mlmapah ing dhasar segara ngginakaken lengen fleksibel kanggé obah. Padatanipun bintang ular kagungan gangsal lengen ingkang awujud kados cambuk ingkang dawanipun saged dumugi 60 cm (2 kaki) ing spèsimèn paling ageng. Wonten kirang langkung 1.500 spèsimèn bintang ular ingkang wonten sapunika lan kathahipun dipunpanggihaken wonten ing jero langkung saking 500 meter (1.620 kaki).

Habitat lan sebaran[besut | besut sumber]

Bintang ular saged mapan wonten ing ékosistem terumbu karang utawi saged ugi gesang kanthi bebas wonten ing dhasaring perairan lepas pasisir. Ing laladan ékosistem kewan punika mapan dados habitat kados karang urip, karang mati, pecahan karang, lan laladan lamun. Biota punika kagungan sipat fotoaksis négatif ingkang padatanipun gesang kanthi ndelik wonten ing laladan sebaranipun [2].

Panganan[besut | besut sumber]

Bintang ular punika kagolongaken karnivora ingkang mangan biota sanèsipun lan pemakan partikel-partikel alit ( mikrofagus ). kelompok kapisan inggih punika karnivora kagungan tangan ingkang wonten erinipun lan cendhèk, sikil tabung ingkang kagungan tugas mindahaken mangsa ingkang sampun dipuntangkep dhateng tutuk. Tuladha saking kelompok punika saking suku Ophiomyxidae, Ophiodermatidae, lan Ophiuridae. Kelompok kalih punika kelompok paling umum, ingkang anggènipun mendhet panganan langsung mendhet partikel-pertikel alit saking subsrat ( surface deposit feeder ) utawi mendhet partikel-partikel saking massa toya ing sekitaripun. Wonten ing kelompok punika tangannipun langkung dawa kanthi kajangkan kaliyan eri-eri ingkang langkung dawa ugi. Kanggé mendhet partikel-partikel alit kejawi sikil tabung ugi dipunbantu déning mukus ingkang wonten ing sepanjang alur panganan ing sisih ventral saking tangan-tanganipun. Tuladha ingkang mlebet kelompok kalih inggih punika suku Ophiocomidae, Ophiactidae, Amphiuridae, lan Ophiothricidae.

Daur Urip[besut | besut sumber]

Ophiuroidae kagungan kelamin ingkang kapisah. Antawisipun kewan ingkang jantan lan betina piyambak-piyambak medalakem endog lan spérma dhateng massa toya ing sakiwa tengenipun nalika mangsa mijah. Fertilisasi punika kedadosan wonten ing toya sedara. Endog ingkang kabuahi banjur tuwuh dados zigot, lajeng tuwuh dados larva ingkang dipunsebut ophiopluteus. Larva ophiopluteus punika gesang kanthi bebas dados plankton lan badhé nglampahi metamorfosa dados juvenile utawi biota enèm ingkang kagungan sipat bentomik. Dangu lan botenipun mangsa larva punika gumantung jinis, papan geografis lan kahanan lingkungan punika.

Cathetan suku[besut | besut sumber]

  1. ^ [1], Filum Echinodermata (dipun-akses tanggal 19 November 2012).
  2. ^ [2], (id) Oseanografi (dipun-akses tanggal 10 Desember 2012).
Sumber artikel punika saking kaca situs web: "https://jv.wikipedia.org/w/index.php?title=Ophiuroidea&oldid=1016370"