Cephalopoda

Saka Wikipédia Jawa, bauwarna bébas abasa Jawa
Cephalopoda
(gurita lan saduluré)
Kalamangsa: Kambrium Akhir - Kini
Haeckel Gamochonia.jpg
Klasifikasi ngèlmiah
Karajan: Animalia
Filum: Mollusca
Klas: Cephalopoda
Cuvier, 1797
Ordo
Subklas Nautiloidea
Subklas †Ammonoidea
Subklas Coleoidea

Cephalopoda ya iku anggota kelas filum moluska. Tuladhané kayatakabehé gurita, nus, lan sotong. Jenengé duwéni arti "sikil ning endas"— dijupuk saka ciriné kéwan kang kas ya iku duwéni tentakel ning pinggiré endasé, kang gunané kanggo tangan lan sikil. Ilmu kang njlentrehaké Cephalopoda dijenengi ilmu teutologi (theutology, "ilmu babagan nus"), lan kagolong ing cabang saka malakologi.

Cephalopoda duwéni utek kang bisa tumbuh apik lan ana uga jinisé sing kamampuan sing bisa ngeling-eling kanti apik, malah bisa sinau.

Wong manfaataké anggota-anggota Cephalopoda dadi bahan pangan lan ning indhustri.

Strukturé Awak[besut | besut sumber]

Menawa dititeni, kéwan iki duwéni ciri kang kas, ya iku duwéni tentakel kang dijangkepi karo piranti sing bisa nyedot. Alat iki ana ning endas kang gunnané kanggo nyekel panganan. Misalé, ning nus lan sotong duwéni 8 tentakel céndhek lan 2 tentakel kang dawa. Nautilus duwéni nganti kira-kira 60-90 tentakel. Gurita duwéni 8 tentakel. Ning endhas ana sapasang mata kang wis bisa digunakaké kanthi fungsi kang wis apik, ya iku duwéni lensa mata lan iris, ananging ora duwéni kelopak mata, bisa mbedakaké waneka werna lingkungan. Karo mata kang titen bisa rikat ngindari mungsuh saéngga jinis Mollusca iki luwih maju dibandingaké karo liyané. Ana uga tangan sing fungsiné kanggo nyekel wujudé dadi siji mbentuk gulu, corong, sifon (kanggo dalam mlebu metuné banyu). Sifon iki gunané kanggo piranti nyemprot banyu.

Ning sebelahé weteng ana kantung mangsi kang ngandung pigmen melanin. Kabèh anggota saka kéwan iki duwéni, kejaba Nautilus. Gunané mangsi iku ya iku kanggo nghindari mungsuh. Nalika mungsuh teka, mangsi iki bakal disemprotaké liwat sifon. Sawisé banyu butek, dhèwèké bakal ngadohi panggonan kasebut. Cephalopoda iki uga duwéni mantel, ana ing pérangan geger (dorsal) kang nemplek ning awak, ananging ning pérangan wateng (ventral) mantelé ora nemplok mula awaké ana ronggané.[1]

Sistem Organ[besut | besut sumber]

Sistem pencernaané saka cangkem, kerongkongan, wetang, usus, lan anus kang ana ing bagiyan awak sing ana ning pinggir ngisoré sifon. Respirasiné migunakaké insang, ananging sistem sirkulasiné ya iku predaran getih kang katutup. Jantung duwéni sabilik lan rong serambi. Sistem ekskresiné kaya ta rong kantong ginjal. Sistem saraf kéwan iki ya iku kaya ta simpul utek, simpul kaki, lan simpul piranti-piranti njero. Alat kelamin ning kéwan iki wis dipisahaké.[1]

Perkembangbiakan[besut | besut sumber]

Nalika masa kawinan, kéwan lanang nyaluraké sèl sperma maring rongga mantel kéwan wadon migunakaké lengan kang ana ing pérangan ventral, nuli kedaden pembuahan. Ovum bakal tumbuh lan berkembang ning sakjeroning awak, nuli netes. Sawisé cukup diwasa bakal metu saka njeroning awak lan urip bebas.[1]

Réferènsi[besut | besut sumber]

  1. ^ a b c Buku sekolah elektronik [Kistinnah, Endang Sri Lestari] (2009). Biologi 1 : Makhluk Hidup dan Lingkungannya Untuk SMA/MA Kelas X. Jakarta: Pusat Perbukuan Departemen Pendidikan Nasional. ISBN 978-979-068-129-3 (no. jilid lengkap) / ISBN 978-979-068-131-6.  Priksa gandra |author-link1= (pitulung)