Taman Nasional Bukit Barisan Selatan

Saka Wikipédia Jawa, bauwarna bébas abasa Jawa
Taman Nasional Bukit Barisan Selatan
IUCN Category II (Taman Nasional)
Peta géologi saka Bukit Barisan.
Peta géologi saka Bukit Barisan.
Lokasi Sumatra, Indonésia
Koordinat 5°15′S 104°10′E / 5.250°S 104.167°E / -5.250; 104.167Koordhinat: 5°15′S 104°10′E / 5.250°S 104.167°E / -5.250; 104.167
Jembar 3,568 km²
Madeg 1982
Badan sing nglola Ministry of Forestry

Taman Nasional Bukit Barisan Selatan iku taman nasional kang ana ing Kabupatèn Lampung Kidul, Kabupatèn Lampung Lor, Propinsi Lampung, lan Kabupatèn Bengkulu Kidul, Propinsi Bengkulu.[1] Taman Nasional Bukit Barisan Selatan iku wakil saka rentengan pagunungan Bukit Barisan kang arupa vegetasi alas mangrove, alas pasisir, alas pamah tropika nganti pegunungan ing Sumatera.[2]

Taman nasional iki diresmikake kanthi pengumuman déning Menteri Pertanian nalika tanggal 14 Oktober 1982 nalika ana Kongres Taman Nasional Sedunia III ing Denpasar, Bali.[1] Wiwitane papan iki arupa Suaka Margasatwa Sumatra Kidul I kang dipilih miturut Besluit Van der Gouverneur Van Nederlandsch Indie No. 48 STB 621 tanggal 24 Desember 1935.[1]

Flora lan Fauna[besut | besut sumber]

Werna-werna tanduran ing taman nasional iki kayata[2]:

  1. pidada (Sonneratia sp.)
  2. nipah (Nypa fruticans)
  3. cemara laut (Casuarina equisetifolia)
  4. pandhan (Pandanus sp.)
  5. cempaka (Michelia champaka)
  6. meranti (Shorea sp.)
  7. mersawa (Anisoptera curtisii)
  8. ramin (Gonystylus bancanus)
  9. keruing (Dipterocarpus sp.)
  10. damar (Agathis sp.)
  11. rotan (Calamus sp.)
  12. kembang raflesia (Rafflesia arnoldi)

Tanduran khas kang ana ing taman nasional iki ya iku kembang bangkai jangkung (Amorphophallus decus-silvae), kembang bangkai raseksa (A. titanum) lan anggrek raseksa (Grammatophylum speciosum). Dhuwure kembang bangkai jangkung isa nganti luwih saka 2 meter.[2] Taman Nasional Bukit Barisan Selatan iku habitat saka[2]:

  1. beruwang madu (Helarctos malayanus malayanus)
  2. warak Sumatra (Dicerorhinus sumatrensis sumatrensis)
  3. macan Sumatra (Panthera tigris sumatrae)
  4. gajah Sumatra (Elephas maximus sumatranus)
  5. tapir (Tapirus indicus)
  6. ungko (Hylobates agilis)
  7. siamang (H. syndactylus syndactylus)
  8. simpai (Presbytis melalophos fuscamurina)
  9. kancil (Tragulus javanicus kanchil)
  10. penyu sisik (Eretmochelys imbricata)

Cathetan sikil[besut | besut sumber]

  1. ^ a b c (id)www.pendakierror.com TNBS (diundhuh tanggal 30 Agustus 2011)
  2. ^ a b c d (id)TN Bukit Barisan Selatan (diundhuh tanggal 30 Agustus 2011)

Cithakan:Taman nasional di Indonésia