Taman Nasional Tesso Nilo

Saka Wikipédia Jawa, bauwarna mardika basa Jawa
Taman Nasional Tesso Nilo

Taman Nasional Tesso Nilo inggih punika salah sawijining taman nasional ingkang papanipun dumunung wonten ing provinsi Riau, Indonésia. Taman nasional punika dipunresmikaken nalika tanggal 19 Juli 2004 ingkang jembaripun kirang langkung 38.576 hektare.[1]

Nalika tanggal 19 Juli 2006 Mantri Kehutanan medalaken Peraturan Mantri ingkang netepaken Provinsi Riau minangka pusat konservasi gajah Sumatera kanthi Permenhut No. P.54.[2] Permenhut punika minangka realisasi saking kasil kunjunganipun Mantri Kehutanan ing Taman Nasional Tesso Nilo (TNTN) nalika wulan mei. Kanthi Peraturan Mantri punika mugi-mugi saged mungkasi prakawis babagan manungsa-gajah ing Riau. Nanging, TNTN ingkang dumugi sapunika TNTN ugi dèrèng saged mungkasi manéka prakawis ingkang ngengini babagan wewengkon, mliginipun minangka habitat gajah.[3]

Kawasan Taman Nasional[besut | besut sumber]

Kawasan ingkang kalebet ing wewengkon taman nasional inggih punika kawasan bekas Hak Pengusahaan Hutan (HPH) ingkang dumunung ing Kabupatèn Pelalawan saha Indragiri Hulu. Dumugi sapunika wonten ing sakanan kiringipun taksih kawasan Hak Pengusahaan Hutan (HPH).[4]

Flora lan Fauna[besut | besut sumber]

Wonten 360 jinis flora ingkang kagolong wonten ing 165 marga saha 57 suku, 107 jinis manuk, 23 jinis mamalia, tigang jinis primata, 50 jinis iwak, 15 jinis reptilia sarta 18 jinis amfibia wonten ing saben hektare Taman Nasional Tesso Nilo. Tesso Nillo ugi minangka salah satunggaling sisa alas dataran cendhèk ingkang dados papan dunungipun 60-80 gajah. Sapetak margi kagunganipun PT. Riau Andalas Pulp and Paper nyigar taman nasional punika. Kalaporaken bilih pamaréntah provinsi gadhah rencana saperlu medhot margi punika saéngga saged kaginakaken kanggé ngirangi pembalakan alasan (illegal logging).[5]

Unit Patroli Konservasi Harimau[besut | besut sumber]

WWF bekerjasama kaliyan Departemen Kehutanan cq BKSDA Riau nalika nindakaken panaliten ilmiah babagan harimau Sumatera migunakaken kodhak jebak (camera trap) wonten ing "hutan hujan dataran cendhèk" Sumatera. Panaliten punika kanthi pangajab mugi-mugi saged pikantuk data babagan kawontenanipun macan saha mangertosi cacahing satwa loreng mau wonten manéka jinis habitat sarta nemtokaken punapa sampun cekap mangsa kanggé kalangsunganipun. Data mau badhé maringi pitedah ingkang awrat ngéngini pelestarian spésies saha alas ing Indonésia saha ing donya punika.[6]

Cathetan suku[besut | besut sumber]

  1. [1](dipunundhuh tanggal 1 Oktober 2012)
  2. [2](dipunundhuh tanggal 22 November 2012)
  3. [3](dipunundhuh tanggal 1 Oktober 2012)
  4. [4] Archived 2012-06-29 at the Wayback Machine.(dipunundhuh tanggal 22 November 2012)
  5. [5] Archived 2012-11-13 at the Wayback Machine.(dipunundhuh tanggal 22 November 2012)
  6. [6] Archived 2012-11-05 at the Wayback Machine.(dipunundhuh tanggal 22 November 2012)

Koordinat: 0°5′S 101°36′E / 0.083°S 101.600°E / -0.083; 101.600