Taman Nasional Sembilang

Saka Wikipédia Jawa, bauwarna bébas abasa Jawa
Taman Nasional Sembilang
IUCN kategori II (taman nasional)
Map showing the location of Taman Nasional Sembilang
Map showing the location of Taman Nasional Sembilang
TN Sembilang
Pernahé ing Sumatra
Pernah Sumatra, Indonésia
Koordhinat 1°57′S 104°34′E / 1.950°S 104.567°E / -1.950; 104.567Koordhinat: 1°57′S 104°34′E / 1.950°S 104.567°E / -1.950; 104.567
Laladan 2,051 km2
Dikukuhaké 2001
Bebadan pamaréntahan Kementerian Kehutanan
Dipilih 6 Maret 2011 [1]

Taman Nasional Sembilang iku taman nasional sing ambané 2.051 km2 sauruté pasisir wétané Pulo Sumatra, Indonésia. Taman iki pérangan gedhéné wujud rawa minangka alas endhut (peat forest), sairib kaanané Taman Nasional Berbak ing sacedhaké. Taman loro iku minangka palemahan teles Ramsar sing antuk kawigatèn internasional.[2] Taman iki sinebut taman mawa gegrombolan manuk pasisir sing tatanané paling angèl sadonya, kanthi 213 spésies sing kacathet, lan minangka papan tumangkaré koloni-bango-susu-sing-paling-gedhé. Saka Palémbang menyang Taman Nasional Sembilang suwéné sajam sarana dalan dharat banjur karo-tengah jam saran prau lan dibacutaké manèh dalan dharat sajam.[3]

Flora lan fauna[besut | besut sumber]

Watara saparoné taman iki awujud alas mangrove, déné liyané awujud alas-rawa endhut, alas tropis, lètèran lendhut (mudflat), alas rawa abanyu tawa, lan alas sempadan (riparian forest).

Taman iki minangka habitaté spésies mamal cacah 53, kaya ta macan sumatra sing kadrawasan, gajah sumatra, tapir malayu, uwa sirah ireng (black-headed gibbon), lan siamang, uga macan méga sundha (Sunda clouded leopard) sing sajeroning bebaya cures, kucing watu (marbled cat), kucing sirah lètèr (flat-headed cat), bruwang madu, lan kethèk buntut babi kidul (southern pig-tailed macaque).

Kali-kali ing taman iki minangka habitaté 140 punjul spésies iwak lan 38 spésies yuyu, uga berang-berang éurasiah sing ing jeroning bebaya cures, berang-berang ules alus, penyu kali kalimantan, penyu bathok, bulus, lumba-lumba indho-pasifik, lan pesut.

Ing taman iki ana koloni bango susu sing gedhé dhéwé sadonya, lan salah siji koloni thonthong sing gedhé. Manuk ing sajeroning bebaya ing taman iki kaya ta: bango buthak ireng, bèbèk suwiwi putih, kedhidhi sikil ijo blenthèng, lan kedhidhi wétan. Gunggungé populasi manuk ing taman iki winatara nyandhak sayuta, déné nalika mangsa salju, manuk migratori cacah 100.000-an lèrèn ing taman iki.

Konservasi lan bebaya[besut | besut sumber]

Taman nasional iki dikukuhaké ing taun 2003. Bebaya sing ngincim taman iki ya iku pambabading alas cilik-cilikan tur ilégal, srèmpèdan (abrasion) 15 mèter saben tauné, lan kagiyatan kolam-kolam iwak ing pasisiré. Réstorasi mangrove wis dicakaké ing palemahan sing ambané 200 héktar lan isih terus tambah.

Rujukan[besut | besut sumber]

  1. ^ "Ramsar List". Ramsar.org. Dijupuk 12 April 2013. 
  2. ^ "Ramsar Database", retrieved 14 December 2014
  3. ^ Ansyor Idrus (October 7, 2014). "Mangrove restoration to safeguard Sembilang National Park". 

Pranala njaba[besut | besut sumber]