Taman Nasional Bukit Baka-Bukit Raya

Saka Wikipédia Jawa, bauwarna mardika basa Jawa
Bukit Baka Bukit Raya National Park
IUCN kategori II (taman nasional)
Masalah Lua ing Modhul:Location_map larik 501: Unable to find the specified location map definition. Neither "Module:Location map/data/Borneo Locator Topography.png" nor "Template:Location map Borneo Locator Topography.png" exists.
PernahBorneo, Indonesia
Kutha cedhak dhéwéPontianak
Laladan1,810 km²
Dikukuhaké1992
Bebadan pamaréntahanMinistry of Forestry

Taman Nasional Bukit Baka-Bukit Raya iku salah siji papan konservasi kang mapan ing Pulo Kalimantan. Taman iki ana ing wewatesane Provinsi Kalimantan Kulon lan Kalimantan Tengah. Papan iki dadi papan kang duwé manfaat hidrologis minangka catchment area marang Laladan Aliran Sungai (DAS) Melawi ing Kalimantan Kulon lan Laladan Aliran Sungai Katingan ing Kalimantan Tengah.[1]

Kawasan hutan Bukit Baka-Bukit Raya iku ékosistem alas udan tropika pagunungan kang akèh ing pucuk Pegunungan Schwaner. Bukit Baka-Bukit Raya iku gabungan antarané Cagar Alam Bukit Baka ing Kalimantan Kulon lan Cagar Alam Bukit Raya ing Kalimantan Tengah. Taman Nasional Bukit Baka-Bukit Raya dikukuhaké dhedhasar Surat Dudutan Mantri Kehutanan Nomor: 281/Kpts-II/1992, tanggal 26 Pebruari 1992. Taman Nasional Bukit Baka-Bukit Raya ambané 181.090 Ha.

Flora[besut | besut sumber]

Ana kurang luwih 817 warna tuwuhan kang kalebu jeni ing 139 famili, kaya ta Dipterocarpaceae, Myrtaceae, Sapotaceae, Euphorbiaceae, Lauraceae, lan Ericadeae. ana uga tuwuhan kang bisa digunakaké dai usada, anggrek alas. Ana uga Kembang Rafflesia (Raflesia sp.), salah siji tuwuhan parasit gedhé dhéwé, tuwuhan iki uga bisa thukul ing Gunung Kinibalu, Malaysia. Tuwuhan endemik ing taman nasiona iki kaya ta Symplocos rayae, Gluta sabahan, Dillenia beccariana, Lithocarpus coopertus, Selaginnella magnifica, lan Tetracera, glaberrima. Ing Taman Nasional Bukit Baka-Bukit Raya akèh tuwuhan saka suku Symplocaceae kaya ta Symplocos adenophylla, Symplocos crassipis, Symplocos laeteviridis, Symplocos rayae lan Symplocos rubiginosa.[2]

Faona[besut | besut sumber]

Kéwan kang ana ing taman nasional iki kaya ta beruang madu, kesadu, musang wisel, orang utan (Pongo pygmaeus), lutung kelabu (Presbytis cristata), lutung ireng (Presbytis melalophos), kelasi/ lutung abang (Presbytis rubicunda), lutung bathuk putih (Presbytis frontata), owa ungko (Hylobates albibarbis), lan kelempiau (Hylobates muelleri).

Cathetan suku[besut | besut sumber]

  1. wisatamelayu.com Archived 2011-04-02 at the Wayback Machine.(diundhuh tanggal 2 Agustus 2011)
  2. www.dephut.go.id Archived 2011-09-26 at the Wayback Machine.(diundhuh tanggal 2 Agustus 2011)