Taman Nasional Komodo

Saka Wikipédia Jawa, bauwarna bébas abasa Jawa
Taman Nasional Komodo
Taman Nasional Komodo
Naga Komodo ing Taman Nasional Komodo
Situs Warisan Donya UNESCO
Pernah Indonésia Edit this on Wikidata
Paugeran vii, ix[1]
Rujukan 609
Koordhinat 8°39′06″S 119°34′36″E / 8.65162°S 119.57657°E / -8.65162; 119.57657
Prasasti 1991 (Sèsi ke-15)
Situs jaringan www.komodonationalpark.org

Taman Nasional Komodo iku anane ing antara provinsi Nusa Tenggara Timur lan Nusa Tenggara Barat. Ana 3 pulau gedhé sing dadi kawasan taman nasional iki ya iku: pulo Komodo, pulo Rinca, lan pulo Padar. Taman nasional iki dibangun kanggo ngreksa komodo sing kalebu habitat uripé kewan iki.

Ing taman nasional iki ana 277 spesies kéwan asal saka Asia lan Australia, ya iku 32 spesies mamalia, 128 spesies manuk, lan 37 spesies reptilia. Bebarengan karo komodo, saorané 25 spesies kéwan dharat lan manuk klebu kéwan sing dilindhungi, amarga cacahé sing sethithik utawa winatesé panyebaran.

Saliyané iku, ing kawasan iki ana uga terumbu karang. Saorané ana 253 spesies karang sing mbangun terumbu sing ditemokaké ing kana, lan watara 1.000 spesies iwak. Kaéndahan terumbu iki narik minat wisatawan manca kanggo nglangi utawa nyilem.

Pulo-pulo iki asliné arupa pulo vulkanis. Cacahing pedunung ing tlatah iki kurang luwih 4.000 jiwa. Ing taun 1986 taman nasional iki ditampa dadi Situs Warisan Donya UNESCO.

Galeri[besut | besut sumber]

Uga delengen[besut | besut sumber]

Pranala njaba[besut | besut sumber]

  1. ^ http://whc.unesco.org/en/list/609.