Taman Nasional Gunung Merbabu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gunung Merbabu saka Salatiga

Taman Nasional Gunung Merbabu iku taman nasional kang ana ing Gunung Merbabu. Miturut administratif taman nasional iki ana kalebu wewengkone telung kabupatèn, ya iku Kabupatèn Boyolali, Kabupatèn Magelang, lan Kabupatèn Semarang, Provinsi Jawa Tengah.

Gunung Merbabu cedhak karo Gunung Merapi ing sisih kidul-wétan, lan kutha Salatiga mapan ing sikil bukit sisih lor. Ing antarané gunung Merapi lan Merbabu ana lekukan kang ambané 1.500 m kang dipanggoni désa Selo.[1]

Ana puncak loro ing gunung iki, puncak Syarif (3.119 m) lan Kenthèng Songo (3.145 m). Gunung Merbabu mbledhos kaping pindho, taun 1560 lan 1797. Ing taun 1797 kaetung mbledhosan kang gedhé nomer 2 ing cathetan Volcanic Explosivity Index.[2] Dalan kanggo munggah gunung Merbabu bisa liwat kutha Kopeng yèn saka lor, bisa uga liwat Selo saka sisih kidul. Yèn liwat Kopeng liwat arah Kenthèng Songo.

Ambane kurang luwih 57 km² kang digunakaké dadi taman nasional wiwit taun 2004. Papan iki diresmikake dadi taman nasional kanthi dhedhasar Dudutan Mantri Kehutanan No. 135/Menhut-II/2004 tanggal 4 Mèi 2004'. Papan iki wigati kanggo sumber banyu warga kang ana ing sakiwa tengene gunung. Papan iki uga dadi papan konservasi kanggo jaga floralan fauna.

Cathetan suku[besut | besut sumber]

  1. www.volcano.si.edu(diundhuh tanggal 31 Juli 2011)
  2. www.volcano.si.edu(diundhuh tanggal 31 Juli 2011)