Taman Nasional Ujung Kulon

Saka Wikipédia, bauwarna bébas basa Jawa
Taman Nasional Ujung Kulon*
Situs Warisan Donya UNESCO

Ujung Kulon
Nagara Flag of Indonésia Indonésia
Jinis Alam
Wewaton vii, ix
Rujukan 608
Wewengkon Asia-Pasifik
Sajarah didaftaraké
Didaftar resmi 1991  (Sèsi 15)
* Jeneng resmi jroning Daftar Warisan Donya.
Miturut klasifikasi resmi UNESCO.

Taman Nasional Ujung Kulon iku dunungé ana ing pucuk kulon Pulo Jawa, Indonésia. Jroning taman iki kalebu pulo vulkanik Krakatau lan pulo liyané kayata Pulo Handeuleum lan Pulo Peucang. Taman iki nglimputi wewengkon sing jembaré 1.206 km² (443 km² segara), akèh-akèhé arupa ujung sing wewatesan Samudra Hindia.

Taman iki taman nasional kapisan ing Indonésia lan diakoni UNESCO minangka Situs Warisan Donya nalika taun 1991 amarga akèh dhéwé tilasing alas udan tropis ing Pulo Jawa. Samono uga, taman iki dadi salah siji saka rong papan konsèrvasi kanggo kéwan warak jawa (Rhinoceros sondaicus) sing mèh punah. Gunggungé kéwan iki diwatara mung kari 50 nganti 60 ing Ujung Kulon, déné cacahé sing luwih sithik, mbokmanawa kari 10 utawa kurang, ana ing Taman Nasional Cat Tien, Viètnam. Kawitané, palemahan utama Ujung Kulon arupa sawah tetanèn sing pundhes déning jeblugan Gunung Krakatau dhèk taun 1883 banjur malih dadi alas.

Idin mlebu tlatah iki bisa dijupuk nyang Kantor Punjer Taman Nasional ing kutha Labuan utawa Tamanjaya. Papan panginepan ana ing Pulo Handeuleum lan Pulo Peucang.

Delengen uga[besut | besut sumber]

Pranala njaba[besut | besut sumber]

Cithakan:Taman nasional di Indonésia