Géografi Indonésia

Saka Wikipédia Jawa, bauwarna bébas abasa Jawa
Gambar:Map of Indonésia Demis.png
Peta relief Indonésia

Indonésia ndarbèni 17.504 pulo (data ttaun 2004; pirsani: Gunggung pulo ing Indonésia), watara 6.000 ing antarané ora ana padunungé, nyebar ing saubengé katulistiwa, kanthi hawa tropis. Pulo paling padhet padunungé ya iku Pulo Jawa, luwih saka setengah (65%) populasi Indonésia. Indonésia dumadi saka 5 Pulo gedhé, ya iku: Jawa, Sumatra, Kalimantan, Sulawesi, lan Irian Jaya.

Indonésia nduwèni luwih saka 400 gunung geni lan 130 ing antarané kalebu gunung geni aktif. Sapérangan saka gunung geni dumunung ing dhasaring segara lan ora lumahing segara. Indonésia minangka papan patemon 2 rerangkèn gunung geni aktif (Ring of Fire). Ana puluhan patahan aktif ing wewengkon Indonésia.

Kahanan alam[besut | besut sumber]

Sapérangan ahli mérang Indonésia dadi telung wewengkon geografis utama ya iku:

Ing zaman es pungkasan, ssadurungé taun 10.000 SM (Sadurungé Masehi), Ing pérangan kulon Indonésia ana dharatan Sundha sing kahubung menyang bawana Asia lan memungkinkan fauna lan flora Asia pindhah menyang pérangan kulon Indonésia. Ing pérangan wétan Indonésia, ana dharatan Sahul sing kahubung menyang bawana Australia lan memungkinkan fauna lan flora Australia pindah menyang pérangan wétan Indonésia. Ing pérangan tengah ana pulo-pulo sing kapisah saka kaloro bawana kasebut.