Pamilihan Umum ing Indonésia

Saka Wikipédia Jawa, bauwarna bébas abasa Jawa

Pamilihan umum (pemilu) ing Indonésia wiwitané ditujokaké kanggo milih anggota lembaga perwakilan, ya iku DPR, DPRD Propinsi, lan DPRD Kabupatèn/Kutha. Sawisé amandemen kapapat UUD 1945 ing taun 2002, pamilihan presidhèn lan wakil presidhèn (pilpres), sing mauné diayahi déning MPR, disepakati diayahi langsung déning rakyat saéngga pilpres dilebokaké jroning rezim pemilu. Pilpres minangka bagéyan saka pemilu dianakaké sepisanan ing Pemilu 2004. Ing Pemilu taun 2007, miturut Undang-Undang Nomor 22 Taun 2007, pamilihan kepala laladan lan wakil kepala laladan (pilkada) uga dilebokaké minangka bagéyan saka rezim pemilu. Ing tengah masarakat, istilah "pemilu" luwih kerep ngarujuk marang pemilu legislatif lan pemilu presidhèn lan wakil presidhèn sing dianakaké saben 5 taun sepisan.

Pemilihan Umum Legislatif[besut | besut sumber]

Sadawaning sajarah Indonésia, wis kaping 9 pemilu legislatif, ya iku ing taun 1955, 1971, 1977, 1982, 1987, 1992, 1997, 1999, lan 2004.

Pemilu 1955[besut | besut sumber]

Pemilu pisanan dianakaké taun 1955 kanggo milih anggota-anggota DPR lan Konstituante. Pemilu iki kerep disebut kanthi jeneng Pemilu 1955, lan disiapaké ding pamaréntahan Perdhana Mentri Ali Sastroamidjojo. Nanging, Ali Sastroamidjojo mundur lan wektu pamungutan swara, kepala pamaréntahan wis dicekel déning Perdhana Menteri Burhanuddin Harahap.

Miturut angkahé, Pemilu 1955 dipérang dadi rong babak, ya iku:

  • Babak pisanan Pemilu kanggo milih anggota DPR. Babak iki diayahi tanggal 29 September 1955, lan diiloni déning 29 parté pulitik lan individu,
  • Babak kaloro Pemilu kanggo milih anggota Konstituante. Babak iki diayahi tanggal 15 Desember 1955.

Limang parté gedhé ing Pemilu iki ya iku Parté Nasional Indonésia, Masyumi, Nahdlatul Ulama, Parté Komunis Indonésia, lan Parté Syarikat Islam Indonésia.

Pemilu 1971[besut | besut sumber]

Pemilu sabanjuré dianakaké taun 1971, persisé tanggal 5 Juli 1971. Pemilu iki Pemilu pisanan ing jaman orde baru, lan diiloni déning 10 parté pulitik.

Limang parté gedhé jroning Pemilu iki ya iku Golongan Karya, Nahdlatul Ulama, Parmusi, Parté Nasional Indonésia, lan Parté Syarikat Islam Indonésia.

Ing taun 1975, liwat anané Undang-Undang Nomor 3 Taun 1975 bab Parté Pulitik lan Golkar, dianakaké fusi (panggabungan) parté-parté pulitik, dadi mung loro parté pulitik (ya iku Parté Persatuan Pembangunan lan Parté Dhémokrasi Indonésia) lan siji Golongan Karya.

Pemilu Orde Baru (1977-1997)[besut | besut sumber]

Pemilu-Pemilu sabanjuré dianakaké taun 1977, 1982, 1987, 1992, lan 1997. Pemilu-Pemilu iki dianakaké sangisoré pamaréntahan Presidhèn Soeharto. Pemilu-Pemilu iki kerep diarani "Pemilu Orde Baru'". Miturut peraturan Fusi Parté Pulitik taun 1975, Pemilu-Pemilu kasebut mung diiloni loro parté pulitik lan siji Golongan Karya. Pemilu-Pemilu kasebut kabèh dimenangaké déning Golongan Karya.

Ing ngisor iki tanggal-tanggal dianakaké pamungutan swara ing Pemilu periode iki.

Pemilu 1999[besut | besut sumber]

Pemilu sabanjuré, sekaligus Pemilu pisanan sawisé orde baru runtuh, ya iku Pemilu 1999 dianakaké taun 1999 (tanggal 7 Juni 1999) ing sangisoré pamaréntahan Presidhèn BJ Habibie lan diiloni déning 48 parté pulitik.

Limang parté gedhé jroning Pemilu 1999 ya iku Parté Dhémokrasi Indonésia Perjuangan, Parté Golkar, Parté Persatuan Pembangunan, Parté Kebangkitan Bangsa, lan Parté Amanat Nasional.

Senadyan Parté Dhémokrasi Indonésia Perjuangan nggayuh swara paling akèh (kanthi swara watara 35 persèn), sing diangkat dadi presidhèn dudu calon saka parté iku, ya iku Megawati Soekarnoputri, nanging saka Parté Kebangkitan Bangsa, ya iku Abdurrahman Wahid (Wektu iku, Megawati mung dadi calon Presidhèn). Bab iki bisa kadadéyan amarga Pemilu 1999 mung kanggo milih anggota MPR, DPR, lan DPRD, déné pamilihan Presidhèn lan wakil Presidhèn diayahi déning anggota MPR.

Pemilu 2004[besut | besut sumber]

Ing Pemilu Legislatif 2004, saliyané milih anggota DPR, DPRD Propinsi, lan DPRD Kabupatèn/Kutha, rakyat uga bisa milih anggota DPD, sawijining lembaga perwakilan anyar sing diangkah bakal makili kapentingan laladan.

Pemilu 2009[besut | besut sumber]

Pamilihan Umum Legislatif Indonésia 2009 (Pemilu Legislatif 2009) iku rangkaian saka Pemilu 2009, lan dijadwalaké ing tanggal 9 April 2009 (sadurungé dijadwalaké tanggal 5 April, nanging banjur diundur)[1] Pemilu Legislatif 2009 bakal milih anggota DPR, DPD, DPRD Propinsi, lan DPRD Kabupatèn/Kutha kanggo mangsa jabatan 2009-2014.

Pamilihan Umum Presidhèn lan Wakil Presidhèn[besut | besut sumber]

Pamilihan umum presidhèn lan wakil presidhèn (pilpres) pisanan dianakaké ing Pemilu 2004.

Pemilu 2004[besut | besut sumber]

Pemilu 2004 minangka pemilu pisanan peserta bisa milih langsung presidhèn lan wakil presidhèn. Pamenang pilpres 2004 ya iku Susilo Bambang Yudhoyono. Pilpres iki dianakaké jroning rong puteran, amarga ora ana pasangan calon sing kasil bgéntukaké swara luwih saka 50%. Puteran kaloro milih presidhèn antara Yudhoyono lan Megawati lan sidané dimenangaké déning pasangan Yudhoyono - M. Jusuf Kalla.

Suksèsi kakuwasan lumaku kanthi mulus lan dadi sajarah tumrap Indonésia sing durung naté ngalami genti kakuwasan tanpa huru-hara. Siji-sijiné cacat ing pagentèn kakuwasan iki ya iku ora rawuhé Megawati ing upacara pelantikan Yudhoyono minangka presidhèn.

Pemilu 2009[besut | besut sumber]

Pemilihan Umum Kepala Laladan lan Wakil Kepala Laladan[besut | besut sumber]

Pamilihan umum kepala laladan lan wakil kepala laladan (pilkada) dadi bagéyan saka rezim pemilu wiwit taun 2007. Pilkada pisanan ing Indonésia ya iku Pilkada Kabupatèn Kabupatèn Kutai Kartanagara ing tanggal 1 Juni 2005.

Cathetan sikil[besut | besut sumber]

  1. ^ "Ini Dia Jadwal Baru Pemilu 2009". Detikcom. 3 Juli 2008. Dijupuk 3 Juli.  Paramèter |accessyear= sing ora kawruhan dikiwakaké (disaranaké |access-date=) (pitulung); Priksa gandra date ing: |access-date=, |date= (pitulung)

Delengen uga[besut | besut sumber]

Pranala jaba[besut | besut sumber]