Surat Al ‘Ashr

Surat Al 'Ashr punika surat kaping-103 saking Al Qur'an. Surat punika kalebet surat makiyyah ingkang kasusun saking 3 ayat. Tembung Al 'Ashr punika menawi kajarwakaken kanthi nglegena hgadhah arti "wekdal ashar" (nalika srengéngé sampun miring nuju angslup). Ananging, kathah para ulama ingkang sarujuk menawi "Ashar" ingkang dipun damelaken dados irah-irahan surat punika luwih pas menawi kajarwakaken dados "wekdal" kanthi arti ingkang wiyar. Suraosipun surat punika ngabaraken menawi sejatosipun sadaya manungs apunika wonten ing kahanan ing tuna (rugi) kajawi manungsa punika tansah ngamal ingkang saé, tansah ngélingaken ing kabeneran lan ngélingaken kanthi sabar.

Isi surat

بِسْمِ اللَّهِ الرَّحْمَنِ الرَّحِيمِ : Kanthi nyebat asma Allah Ingkang Maha Mirah lan ugi Maha Asih.

1. وَالْعَصْرِ.
2. إِنَّ الإنْسَانَ لَفِي خُسْرٍ
3. إِلا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ

Jarwanipun

1. Dhemi wekdal.
2. Sayektosipun manungsa punika temen wonten ing sajroning kapitunan,
3. Kajawi ingkang sami mangestu sarta nindhakaken panggawé ingkah saé (amal sholèh), lan weling-wineling ing kabeneran, sarta weling-wineling ing kasabaran.