Menyang kontèn

Joko Widodo

Saka Wikipédia Jawa, bauwarna mardika basa Jawa
(Kaelih saka Jokowi)
Aksara Latin
      
Joko Widodo
ꦗꦑꦮꦶꦢꦢ
Présidhèn Indonésia 7
Linggih
20 Oktober 2014 – 20 Oktober 2024
LitnanJusuf Kalla (2014 - 2019)
Ma'ruf Amin (2019 - )
Kang sadurungéSusilo Bambang Yudhoyono
Kang sawiséPrabowo Subianto
Gubernur DKI Jakarta 17
Linggih
15 Oktober 2012 – 16 Oktober 2014
PrésidhènSusilo Bambang Yudhoyono
LitnanBasuki Tjahaja Purnama
Kang sadurungéFauzi Bowo
Kang sawiséBasuki Tjahaja Purnama
Walikutha Surakarta
Linggih
28 Juli 2005 – 1 Oktober 2012
RatuPakubuwana XIII
PrésidhènSusilo Bambang Yudhoyono
GubernurMardiyanto
Ali Mufiz
Bibit Waluyo
LitnanF.X. Hadi Rudyatmo
Kang sadurungéSlamet Suryanto
Kang sawiséF.X. Hadi Rudyatmo
Rerincèn dhiri
Lair (1961-06-21) Juni 21, 1961 (umur 63)
Surakarta, Jawa Tengah, Indonesia
BangsaIndonesia
Parté pulitikPartai Demokrasi Indonesia Perjuangan
SisihanIriana[1]
AnakGibran Rakabuming Raka[2]
Kahiyang Ayu
Kaesang Pangarep
AlmamaterUniversitas Gadjah Mada
PanggaotaPolitikus
AgamaIslam
Tandha tangan

Ir. H. Joko Widodo (Jawa: ꦗꦑꦮꦶꦢꦢ: Jaka Widada) (lair ing Surakarta, 21 Juni 1961; umur 63 taun),[3][4] inggih punika présidhèn Indonésia angka pitu. ingkang njabat wiwit tanggal 20 Oktober 2014. Panjenenganipun kapilih minangka présidhèn sarengan kaliyan Wakil Présidhèn Muhammad Jusuf Kalla wonten ing Pemilu Présidhèn 2014. Saderengipun njabat présidhèn, Joko Widodo njabat dados Gubernur Jakarta awit tanggal 15 Oktober 2012.[1] Panjenenganipun dados gubernur angka 17 ingkang ngasta ing kutha krajan nagari Indhonésia.[5] Panjenenganipun asring dipuntimbali kanthi asma Jokowi (cekakan saking asma Joko Widodo).[6]

Sadèrèngipun ngasta gubernur Jakarta, panjenenganipun ngasta dados Walikutha Surakarta (Sala), Jawa Tengah ngantos kalih periodhe, inggih punika awit 2005 ngantos 2010 lan 2010 ngantos 2015.[5] Nanging nalika nembé ngasta kalih taun ing periodhe kaping kalih punika, Jokowi pikantuk amanah saking bebrayan umum Jakarta kanggé dados pangarsaning DKI Jakarta.[5] Nalika samanten Jokowi dipuncalonaken gubernur DKI Jakarta déning Partai Demokrasi Indonesia Perjuangan (PDIP).[7] Wonten ing pancalonan kasebat, panjenenganipun dipunpasangaken kaliyan Basuki Tjahaja Purnama utawi Ahok.[7]

Sajarah asma "Jokowi"

Panjenenganipun miyos kanthi asma asli Joko Widodo.[6] Nanging nalika taksih aktif ing jagad bisnis mèbel lan gadhah tiyang ingkang tumbas saking Prancis.[6] Tiyang Prancis punika ngraos bingung, amargi nalika tumbas ing Jepara, Semarang, lan Surabaya tansah kepanggih kaliyan tiyang ingkang namanipun Joko.[6] Nalika kepanggih kaliyan Joko Widodo ing Sala, kanggé mbéntenaken saking Jokowi ingkang sanès, tiyang Prancis kalawau paring timbalan Jokowi.[6]

Mangsa alit Jokowi

Miyos ing Sala, 21 Juni 1961, saking sarimbit Natamiharja lan Sujiatmi, awit alit Jokowi sampun ngraosaken gesang ingkang sarwa kirang.[6] Sareng kaliyan tiyang sepuh lan tiga sadhèrèk èstri, Jokowi kedah pindhah griya saking satunggal panggénan dhateng panggénan sanès.[6] Panggénan kalawau papanipun ing sapinggiring lèpèn.[6] Amargi boten saged tumbas griya, Natamiharja kapeksa ndhawuhi kulawarganipun pindhah dhateng peken kajeng lan pring Gilingan, ingkang mapan ing sakidulipun lèpèn Kali Anyar.[6] Ing Papan punika Natamiharja miwiti usaha sadéan kajeng.[4]

Pendhidhikan

Karir

  • Pengusaha mébel lan pertamanan,[9]
  • Pangadeg Koperasi Pengembangan Industri Alit Sala (1990),[11]
  • Ketua Babagan Pertambangan lan Ènergi Kamar Dhagang lan Indhustri Surakarta (1992 - 1996),[11]
  • Ketua Asosiasi Permebelan lan Industri Kerajinan Indonésia Surakarta (2002 - 2007),[11]
  • Walikutha Surakarta (2005 - 2012)[11][12]
  • Gubernur DKI Jakarta (2012 - 2014)[11]
  • Presiden Republik Indonesia (2014 - saiki)

Karir Pulitik

Walikutha Surakarta

Awit kathahipun pengalaman ing mangsa mudhanipun, Jokowi saged ngembangaken Sala ingkang sadèrèngipun awon ing tatanan kutha lan manèka panulakan saking masarakat kanggé dipuntertibaken.[13] Jokowi saged ndadosaken Sala dados langkung saé saèngga dados satunggaling kajian saking universitas mancanegari.[13]

Rebranding Sala

Branding kanggé kutha Sala dipunlaksanakaken kanthi nyarujuki slogan kutha Sala (Sala) "Sala: The Spirit of Java".[7][14] Tindakan saking Joko Widodo punika kalebet progrèsif kanggé ukuran kutha-kutha ing Jawa.[7] Joko Widodo ugi saged ngrélokasi para pedhagang piranti tilas ing Taman Banjarsari kanthi lancar kanggé damel fungsi panggénan taman.[7] Panjenenganipun ugi paring syarat dhateng para invèstor kanggé purun mikiraken kapentingan publik, ngawontenaken komunikasi langsung kaliyan masarakat.[15] Taman Balekambang, ingkang sadèrèngipun boten karumat, déning Jokowi dipundamel taman. Jokowi ugi boten ajrih nulak invèstor ingkang boten sarujuk kaliyan prinsip Jokowi.[11]

Ndadosaken Sala minangka "tuan rumah" Konferensi Organisasi Kutha-kutha Warisan Donya

Awit taun 2006 kapungkur kutha Surakarta sampun dados anggota Organisasi Kutha-kutha Warisan Donya.[9] Kanthi punika, ing taun salajengipun (2007) Sala dados panggènan Festival Musik Dunia (FMD) ingkang dipunwontenaken ing Benteng Vastenburg.[9] Wontenipun acara punika gadhah misi kanggé nylametaken situs sajarah amargi bètèng kasebat kaancem badhé dipunicalaken kanggé kapentingan bisnis.[9] Taun 2008, Sala dados "tuan rumah" konferènsi Organisasi Kutha-kutha Warisan Donya.[9]

Ndhamekaken Kraton Surakarta

Nalika tanggal 11 Juni 2004, Paku Buwono XII tilar donya tanpa paring wasiat dhateng permaisuri utawi putra makutha, saéngga wonten kadadosan konflik pamanggih antawisipun putra-putranipun PK XII, Sampeyan Dalem Ingkang Sinuwun Kanjeng Susuhunan (SDISKS) Paku Buwono XIII lan Kanjeng Gusti Pangeran Haryo (KGPH) Panembahan Agung Tedjowulan.[16] Sadangunipun pitung taun wonten kalih ratu ingkang dipuntunjuk déning kalih pihak ing satunggal kraton.[16]

Gubernur DKI Jakarta

Joko Widodo ingkang nyalonaken piyambak minangka Gubernur DKI Jakarta saged menang ing Pilkadha DKI Jakarta kanthi ngliwati prosès pemilu kalih ubengan.[11] Nalika 15 Oktober 2012, Jokowi dipunlantik minangka Gubernur DKI Jakarta.[11]

Agama

Agaminipun Joko Widodo punika agami Islam, lan panjenenganipun naté cariyos bilih pisanan tindak haji ing taun 2003, lan tindak ngibadah umrah minimal kaping sekawan.[17] Nanging, nalika pemilihan umum présidhèn 2014 sampun caket, medal manéka warni issu kirang saé ngengingi kaislaman Jokowi, saéngga ing tanggal 24 Mèi 2014 Jokowi mratélakaken bilih, panjenenganipun agaminipun Islam "Islam yang rahmatan lil alamin, Islam yang hidup berketurunan dan berkarya di nagara RI yang memegang teguh UUD 45." ("Islam ingkang rahmatan lil alamin, Islam ingkang gesang ngrembaka lan makarya ing nagara RI ingkang dhedhasar UUD 45.")[18]

Bebingah

Bebingah pribadi

  • Joko Widodo kapilih minangka salah satunggalipun "10 Tokoh 2008",[9]
  • Walikutha ingkang saé piyambak taun 2009,[19]
  • Bung Hatta Anticorruption Award (2010),[19]
  • Universitas Sebelas Maret Surakarta (UNS) Award,[10]
  • Charta Politica Award (2011),[19]
  • Walikutha teladan saking Kementerian Dalam Negeri (2011),[19]
  • Salah satunggal Walikutha ingkang saé piyambak sadonya 2012.[20]

Bebingah minangka Walikutha Surakarta

  • Kutha kanthi Tata Ruang ingkang saé piyambak nomer kalih ing Indonésia,[19]
  • Piala lan Piagam Citra Bhakti Abdi Nagara saking Présidhèn Républik Indonésia (2009), kanggé kinerja kutha ing babagan panyedhiaan sarana pelayanan Publik, Kabijakan Deregulasi, Panegakan Disiplin lan Pangembangan Manajemen Pelayanan,[19]
  • Piala Citra Babagan Palayanan Prima Tingkat Nasional déning Mantri Nagara Pendayagunaan Aparatur Nagara Républik Indonésia (2009),[19]
  • Bebingah saking Departemen Keuangan wujud dana hibah ingkang agengipun 19,2 miliar kanggé nglaksanakaken parumatan keuangan ingkang saé (2009),[19]
  • Bebingah saking UNICEF kanggé Program panjagian laré (2006),[19]
  • Indonésia Tourism Award 2009 ing Kategori Indonésia Best Destination saking Departemen Kebudayaan lan Pariwisata RI,[19]
  • Bebingah Kutha Sala minangka inkubator bisnis lan tèknologi (2010) saking Asosiasi Inkubator Bisnis Indonésia (AIBI),[19]
  • Grand Award Layanan Publik ing babagan Wiyata (2009),[19]
  • 5 bebingah Anugerah Wahana Tata Nugraha (2006 - 2011) Bebingah Tata Tertib Lalu Lintas lan Angkudan Umum,[19]
  • Bebingah Manggala Karya Bhakti Husada Arutala saking DepKes (2009),[19]
  • Kutha paling favorit Wisatawan 2010 ing Indonésia Tourism Award 2010 ingkang dipunselenggaraaken Kementerian Kebudayaan lan Pariwisata,[19]
  • Pamaréntah Kutha Sala pikantuk bebingah kutha/kabupatèn pengembang UMKM ingkang saé piyambak versi Universitas Negeri Sebelas Maret utawi UNS SME's Awards 2012,[19]
  • Bebingah saking Présidhèn RI, Susilo Bambang Yudhoyono minangka salah satunggaling kutha ingkang saé piyambak ing bab panyelenggaraan program pangembangan mujudaken Kutha Layak Anak (KLA) 2011,[19]
  • Bebingah Langit Biru 2011 saking Kementerian Lingkungan Hidup kanggé kategori Kutha kanthi kualitas hawa paling resik,[19]
  • Bebingah saking Présidhèn Susilo Bambang Yudoyono ing babagan Pelopor Inovasi Pelayanan Prima (2010).[19]
  • Bebingah Tandha Kaurmatan Bintang Jasa Utama saking Présidhèn Susilo Bambang Yudhoyono.[21]

Ugi pirsani

Cathetan suku

  1. ↑ a b Jokowi: Jakarta Tidak Seseram Bayangan Saya Archived 2013-11-03 at the Wayback Machine. (dipunundhuh tanggal 28 Fèbruari 2013)
  2. ↑ Ayah Jadi Gubernur Gibran cuek
  3. ↑ "Insan Berprestasi" Archived 2010-12-01 at the Wayback Machine., UGM Daring, (dipunakses Fèbruari 2013)
  4. ↑ a b Tumbuh di Bantaran Kali (dipunundhuh tanggal 15 Fèbruari 2013)
  5. ↑ a b c oto Profil Jokowi (Joko Widodo) Terbaru Archived 2013-03-12 at the Wayback Machine. (dipunundhuh tanggal 15 Fèbruari 2013)
  6. ↑ a b c d e f g h i Sejarah Perjalanan hidup Jokowi atau Joko Widodo (dipunundhuh tanggal 15 Fèbruari 2013)
  7. ↑ a b c d e Profil Joko Widodo Archived 2013-02-08 at the Wayback Machine. (dipunundhuh tanggal 16 Fèbruari 2013)
  8. ↑ Joko Widodo Archived 2013-03-06 at the Wayback Machine. (dipunundhuh tanggal 28 Fèbruari 2013)
  9. ↑ a b c d e f g h i Joko Widodo (dipunundhuh tanggal 16 Fèbruari 2013)
  10. ↑ a b Profil Jokowi Cagub Jakarta kandidat 25 Walikota terbaik dunia (dipunundhuh tanggal 16 Fèbruari 2013)
  11. ↑ a b c d e f g h Biografi Jokowi (Joko Widodo) Archived 2013-01-30 at the Wayback Machine. (dipunundhuh tanggal 16 Fèbruari 2013)
  12. ↑ Biodata - Profil Joko Widodo (Jokowi) dipunundhuh tanggal 16 Fèbruari 2013)
  13. ↑ a b Defusing A Volatile City, Igniting Reforms: Joko Widodo and Surakarta, Indonésia, 2005 - 2011 (dipunundhuh tanggal 16 Fèbruari 2013)
  14. ↑ Joko Widodo, Wali Kota Solo "Urusannya Hanya Pemilihan Gubernur" (dipunundhuh tanggal 1 Maret 2013)
  15. ↑ Gubernur Bibit Setuju Tunda Bongkar Sari Petojo Archived 2014-10-06 at the Wayback Machine. (dipunundhuh tanggal 16 Fèbruari 2013)
  16. ↑ a b Keluarga Raja/Sunan, diakses dari situs Kasunanan Surakarta Hadiningrat. Archived 2023-03-23 at the Wayback Machine. (dipunakses saking situs Kasunanan Surakarta Hadiningrat, Fèbruari 2013)
  17. ↑ Jokowi Tanggapi Isu SARA: Semua Keluarga Saya Sudah Naik Haji, diakses di situs Liputan 6 padha 15 Januari 2015.
  18. ↑ "Saya Jokowi, Bagian dari Islam yang Rahmatan Lil Alamin", diakses di situs Kompas padha tanggal 25 Mèi 2014
  19. ↑ a b c d e f g h i j k l m n o p q r s H.Joko Widodo (Jokowi) Archived 2012-10-16 at the Wayback Machine. (dipunundhuh tanggal 16 Fèbruari 2013)
  20. ↑ Testimonials for Joko Widodo Mayor of Surakarta (Indonésia) (dipunundhuh tanggal 16 Fèbruari 2013)
  21. ↑ Jokowi raih penghargaan Bintang Jasa Utama (dipunundhuh tanggal 26 februari 2013)

Profil dan Biodata Joko Widodo

Pranala njawi

Wikimedia Commons duwé médhia ngenani Joko Widodo.
Weruhi luwih akèh bab
Joko Widodo
ing proyèk saduluré Wikipédia
Bedhah Commons Médhia saka Commons
Bedhah Wikinews Warta saka Wikinews
Bedhah Wikiquote Cuplikan saka Wikiquote
Bedhah Wikisource Tèks saka Wikisource
Bedhah Wikibooks Buku tèks saka Wikibooks
Bedhah Wikiversity Matèri sinau saka Wikiversity
Kalungguhan pulitik
Kang sadurungé
Slamet Suryanto 		Wali Kota Surakarta
2005 - 2012 		Kang sawisé
F.X. Hadi Rudyatmo
Kang sadurungé
Fauzi Bowo 		Gubernur DKI Jakarta
2012 - 2014 		Kang sawisé
Basuki Tjahaja Purnama
Kang sadurungé
Susilo Bambang Yudhoyono 		Présidhèn Indonésia
2014 - saiki 		Isih njabat

Dijupuk saka "https://jv.wikipedia.org/w/index.php?title=Joko_Widodo&oldid=1702834"