Mie goreng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
mi goreng enak

Mie Goreng ateges 'mi' sing digorèng [1]. Mie gorèng kalebu panganan sing akèh dipengini masarakat wiyar ing Indonésia, Malaysia, lan Singapura. Mi gorèng dipun damel saking mi kuning ingkang dipun gorèng kanthi ngginakaken sekedhik minyak goreng, lajeng dipun sukani bumbu-bumbu kados bawang putih, brambang, udang saha daging ayam utawi daging sapi, bakso ingkang dipun iris-iris, lombok, janganan, tomat, tigan ayam, saha acar. Dhaharan punika gampil dipun damel saéngga kathah dipun panggihaken ing pundi kémawon papan, saking ing warung-warung pinggir margi ngantos wonten ing restoran mewah. [2]

Jinis-jinising mie gorèng[sunting | sunting sumber]

Wonten ing Indonésia, wonten manéka jinis mi gorèng ingkang namanipun dipun jumbuhaken kaliyan bumbu-bumbu ingkang dipun ginakaken kanggé damel mi kasebat. Tuladhanipun, mi gorèng ingkang padatanipun dipun sukani ayam lajeng ayamipun dipun gantos sapi mila mi gorèng kasebat dipun wastani mi gorèng spesial sapi, mi goreng spesial daging meda, mi goreng bumbu udang, lan sapanunggalanipun. Wonten malih Mi Goreng Aceh amargi mie goreng kasebat asalipun saking propinsi Aceh, mi goreng Jawa, ugi mi goreng Surabaya amargi khas kitha Surabaya. Kanggé paring nama mir goreg ugi saged miturut swanten ingkang dipun asilaken nalika damel mi goreng kasebat, tuladhanipun mi goreng "tek-tek", mi goreng "dhog-dhog".

Bahan-bahan[sunting | sunting sumber]

Mie inggih jinis dhaharan ingkang gampil dipun damel. Déné bahan-bahan ingkang dipun betahaken kanggé damel mie gorèng inggih punika kados mekaten.

  1. 2 sdm lisah klentik
  2. 3 ler bawang putih, dipun geprak
  3. 3 batang godhong bawang dipun pendhet bagéyan putih ipun, lajeng dipun iris lembut
  4. 200 gr daging sapi ingkang sampun dipun godhog lajeng dipun rajang alit-alit
  5. 100 gr udang teles
  6. 150 cc kaldu sapi
  7. 200 gr lubis dipun rajang lembut
  8. 100 gr cambah
  9. sarem sak cekapipun
  10. Mrica sakcekapipun
  11. 2 sdm kecap manis
  12. 250 gr mi teles
  13. ron sledri
  14. 1 sdm brambang gorèng

Caranipun Damel[sunting | sunting sumber]

Prosès damel mie goreng inggih punika kados mekaten.

  • Lisah klentik dipun panasi,lajeng bawang putih dipun osèng sareng kaliyan godhong bawang ingkang sampun dipun rajang. Anggènipun ngosèng ngantos gandanipun arum.
  • Salajengipun, udang kaliyan daging dipun lebetaken, lajeng dipun udhak ngantos mateng. Menawi sampun lajeng toya kaldunipun dipun lebetaken.
  • Prosès salajengipun, sedaya janganan lan bumbu dipun lebetaken lan dipun jangan ngantos jangananipun layu.
  • Mie lajeng dipun lebetaken lajeng dipun udhak-udhak sekedhap lan dipun angkat.
  • Mie dipun sajèkaken wonten ing piring lajeng dipun sukani rajangan godhong seledri saha brambang gorèng.
  • Menawi sampun, mie sampun samekta dipun sajèkaken, langkung saé menawi dipun sajèkaken nalika taksih panas, dipun sukani kaliyan lombok rawit saha acar. . [3]

Cathetan Suku[sunting | sunting sumber]

  1. ^ Guerin, Bill. "World's top noodle maker loses its bite", Asia Times Online, 2003-12-23. diaksès tanggal 2012-12-1. 
  2. ^ (id)[1](dipunundhuh tanggal 1 Desember 2012)
  3. ^ (id)[2]


Logo Wikimedia Commons
Pirsani galeri bab Mie goreng ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Mie_goreng&oldid=885225"