Wikipédia basa Jawa
  | |
 Screenshot Wikipédia basa Jawa ing tanggal 1 Mèi 2021 | |
Jinising situs | Bauwarna online |
|---|---|
| Ana ing basa | Basa Jawa |
| Kang duwé | Yeyasan Wikimedia |
| Situs jaringan | jv |
| Dagang | Ora |
| Règistrasi | Manasuka |
| Kababar | 8 Maret 2004 |
Wikipédia basa Jawa (Carakan: ꦮꦶꦏꦶꦥꦺꦝꦶꦪꦃꦧꦱꦗꦮ) iku gagrag basa Jawa bauwarna gumathuk Wikipédia. Artikel utawa léma kapisané yaiku Basa Jawa, kang ditulis ing tanggal 8 Maret 2004[1]. Tekan saiki (23 Maret 2023), wis ana 72.444 artikel ing Wikipédia basa Jawa.
Wikipédia basa Jawa lumrahé mèlu paugeran-paugeran Wikipédia basa Inggris lan Wikipédia basa Indonésia. Ing Wikipédia basa Jawa kabèh artikel uga kudu ditulis mawa Wikipédia:Cara ndeleng nétral utawa ing basa Inggris diarani Neutral Point of View.
Kaistiméwan Wikipédia basa Jawa yaiku akèh ngamot artikel-artikel bab prakara Kajawèn, mligi bab basa, sastra lan budaya Jawa.
Naraguna aktif
Naraguna mobah Wikipédia Jawa wiwité mligi pancèn saka Tanah Jawa, nanging lumrahé manggon lan ngaksès Wikipédia saka Jakarta. Yèn dibandhingaké karo Wikipédia basa Indonésia, Wikipédia basa Jawa cacahé naraguna kang kapratelan, saya manèh naraguna kang mobah sithik banget, yaiku nganti dina iki mung ana 56.730 naraguna kapratelan. Kamangka yèn dideleng saka cacahé penutur, basa Jawa iki penutur ibuné ana kurang luwih 60 yuta jiwa.[2]
Cara nulis
Pasang aksara utawa pangéjaan kang dinggo ing Wikipédia basa Jawa iku dhedhasar Ejaan resmi basa Jawa miturut Pusat Basa ing Ngayogyakarta weton taun 1991. Nanging ana prabédan utama dienggo ing sawatara kalawarti basa Jawa. Ing Wikipédia basa Jawa, minangka sawijining bauwarna, pasang aksara kang dienggo iku mèmper pasang aksara kang dienggo nulis ing bausastra. Dadi antara 'e' pepet lan 'é' (utawa 'è') taling dibédakaké. Dadi séjé karo kalawarti ing ngendi pepet lan taling ditulis padha waé minangka 'e' nglegena.
Tuwuhing artikel
Katrangan:
- ↑
- Artikel paling pertama yaiku Basa Jawa, dening Meursault2004, tanggal 8 Maret.
- Nanging kuwi besutan ka-8. Wonten 7 besutan sakderenge Artikel paling pertama:
- Nomer 7: besutan Meursault ing Kaca Utama - 8 Maret
- Nomer 4792: besutan bot ing Cithakan:All_messages - 22 Februari
- Nomer 5: besutan anonim sing nerjemahne Kaca Utama 15 Februari
- Nomer 4: besutan bot ing Cithakan:All_messages - 29 Januari 2004
- besutan paling pertama sing kecatet yaiku tanggal 23 Januari 2003 [1] dening Naraguna:Patrick (1 pasumbangan)
- ↑ "Badan Pusat Statistik". www.bps.go.id. Dibukak ing 2020-10-13.
- ↑ Cacahé naraguna sing wis ndaftar
- ↑ Suwé: Suwéné wektu kanggo nambah cacahing artikel wiwit pencapaian sadurungé
- ↑ Cacah artikel dipara karo suwéné dina kanggo nambah cacahing artikel wiwit pencapaian sadurungé
Proyèk liya
Saliyané Wikipédia, ana rong proyèk Wikimédia édhisi basa Jawa liyané, yaiku Wikisastra (Wiktionary) lan Wikisumber (Wikisource). Sapréné Wikisastra Jawa ndarbèni punjul 61.000 èntri, wondéné Wikisumber Jawa ndarbèni punjul 2.100 layang.[1][2]
Gladri
Screenshot Wikipédia basa Jawa ing tanggal 24 Fèbruari 2008.
Screenshot Wikipédia basa Jawa ing tanggal 29 Mèi 2020.
![Logo Wikipédia basa Jawa taun 2007–2012.[3][4]](/wiki/Barkas:Wikipedia-logo-jv.png){kind=logo}
![Logo Wikipédia basa Jawa taun 2012–2020.[4][5]](/wiki/Barkas:Wikipedia-logo-v2-jv.png){kind=logo}
Deleng uga
Rujukan
- ↑ "Setatistik". jv.wiktionary.org. Wiktionary basa Jawa.
- ↑ "Setatistik". jv.wikisource.org. Wikisource basa Jawa.
- ↑ "Arsip Wikipédia basa Jawa tanggal 10 Juni 2007". Internet Archive. 2007-06-10.
- ↑ a b "Arsip Wikipédia basa Jawa tanggal 29 Oktober 2012". Internet Archive. 2012-10-29.
- ↑ "Arsip Wikipédia bahasa Jawa tanggal 29 Mèi 2020". Internet Archive. 2020-05-29.