I Gusti Ketut Jelantik

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
I Gusti Ketut Jelantik

I Gusti Ketut Jelantik yaiku salah sawijining Pahlawan Nasional Indonesia kang asalé saka Bali.[1] Piyambaké dikenal minangka Patih Kerajaan Buleleng, kang mimpin Perang Jagaraya.[2]

Biografi[sunting | sunting sumber]

I Gusti Ketut Jelantik lair ing désa Tukadmungga taun 1850. Piyambaké generasi ka IX jroning silsilah keturunan Ki Gusti Anglurah Panji Sakti. Ing yuswa 25 taun,I Gusti Ketut Jelantik ditinggal wafat dening ramané, I Gusti Ketut Banjar, kang wis tau dadi Sedahan Agung Semasih Bali ing ngisoré raja I Gusti Made Karang.[3] Ibuné, Gusti Biang Kompyang Keramas asale saka Banjar Penataran désa Buleleng, sawisé dadi randha ibuné dikrama déning I Gusti Bagus Jelantik. [3]

Perjuangan[sunting | sunting sumber]

Ing mangsa iku, ing Bali ana kang diarani Hukum Hak Tawan Karam yaiku sawijining hak kang ndaèake Kerajaan bisa nyita lan nguwasani kapal-kapal kang kèrem ing pantai Pulo Bali. Akèh kapal Walanda kang kena hukum iki mula para kumpeni pada ngrasa rugi.[1]

Taun 1843 Walanda meksa raja-raja ing Bali kanggo mbusak Hukum Hak Tawan Karang. Ananging pirang-pirang taun sabanjuré, Raja Buleleng tetep ngrampas kapal duwèké Walanda kang kerem ing wilayah panténé. Hal iki sing ndadake perang antarané Walanda lan Kerajaan Buleleng. Peran iki sabanjuré nyebar nganti kabèh wilayah ing bali.[1]

I Gusti Ketut Jelantik yaiku sawijining Patih Agung Kerajaan Buleleng kang ora seneng déning Walanda. Tanggal 27 Juni 1846, Walanda nyerang Kerajaan Buleleng lan bisa ngrebut Keraton Buleleng. Raja Buleleng lan Patih Jelantik banjur mundur marang Jagaraga.[2]

I Gusti Ketut Jelantik melu perang jroning Perang Jagaraya kang kedaden ing Bali taun 1849. Sumpahé kang dikenal yaiku “apa wae kang kedadèn, yèn aku isih urip aku ora bakal ngakoni kuwasanè Wwalanda ing nagari iki” Perang Jagaraya kang dipimpiné pungkasané minangka sawijining puputan, kabèh anggota kerajaan lan rakyaté gelut mertahanaké dhaérahé nganti mati.[2]

Ing taun 1849, Walanda nyerang maneh ing Jagaraga. Tanggal 16 April 1849, Walanda bisa nguasani Jagaraga. Walanda banjur ngoyak Patih Jelantik lan pasukané jroning pertempuran ing Perbukitan Bale Pundak, Patih Jelantik gugur.[1] I Gusti Ketut Jelantik seda ing Gunung Batur, Kintamani taun 1849.[2]

I Gusti Ketut Jelantik ditetepaké dadi Pahlawan Nasional adhedhasar SK Presiden RI No 077/TK/1993. [1]

Cathetan Sikil[sunting | sunting sumber]