Cik Di Tiro
| Teungku Chik di Tiro | |
|---|---|
 Teungku Chik Di Tiro Muhammad Saman |
|
| Lair | 1836 Tiro, Pidie, Kesultanan Aceh |
| Tilar donya | Januari 1891 Aneuk Galong, Kesultanan Aceh |
| Dikawruhi amarga | Pahlawan Nasional Indonesia |
| Agama | Islam |
Teungku Chik di Tiro (Basa Acèh, tegese Imam ulama ing daerah Tiro) utawa kang nduweni asma jangkep Muhammad Saman (Tiro, Pidie, 1836 – Aneuk Galong, Januari 1891), iku salah siji pahlawan nasional saka Acèh.[1] Teungku Muhammad Saman iku putra saka Teungku Syekh Ubaidillah.[1] Biyunge yaiku Siti Aisyah, putri Teungku Syekh Abdussalam Muda Tiro.[1] Dheweke lair taun 1836, ngepasi karo taun 1251 Hijriah ana ing Dayah Jrueng kenegerian Cumbok Lam Lo, Tiro, daerah saka Pidie, Aceh.[1] Cik di Tiro gedhe ana ing kaluwarga kang agamane kuat.[1] Nalika Cik Di Tiro munggah kaji ana ing Mekkah, Dheweke terus nyinauni babagan ngelmu agamane.[1] Sakliyane kuwi Cik Di Tiro uga nemoni pimpinan-pimpinan Islam kang ana ing Mekkah.[2] Merga kuwi Cik Di Tiro bisa ngerti piye para pejuang islam kang ana ing mekkah anggone meragi imperialisme lan kolonialisme.[2] Nganggo ajaran kang diyakini, Muhammad Saman bisa ngorbanaké apa waé kang diduwèni yaiku harta bandha, kalungguhan, apadéné nyawa kanggo ngadegake agama lan bangsa.[2] Keyakinan iki dibuktèkaké karo apa kang ana ing kasunyatan, kang sakwisé kuwi dikenal kanthi jeneng Perang Sabil.[2] Sakwisé nglakokaké Perang Sabil, siji mbaka siji bèntèng Belanda bisa direbut.[2] Sakliyane benteng-benteng uga wilayah kang saksuwene iki dikuasai dening Belanda bisa direbut.[2] Ana ing sasi Mei taun 1881, pasukan Muhammad Saman bisa ngrebut benteng Belanda Lam Baro, Aneuk Galong lan liya-liyane.[2] Belanda ngrasa kewalahan lan pungkasane banjur nganggo cara kang ora bener yaiku ngirim panganan kang sakdurunge wis diwenehi racun.[2] Tanpa Rasa culika Cik Di Tiro banjur mangan panganan kang ana mau.[2] Sakwise mangan panganan mau banjur Muhammad Saman mati ana ing sasi Januari 1891 ing benteng Aneuk Galong.[2]
