R. Suprapto (pahlawan revolusi)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Letnan Jenderal R. Suprapto
Suprapto.jpg
Lair: Purwokerta, Jawa Tengah, 1 Oktober Agustus 1965
Tilar donya: Lubang Buaya, Jakarta, 1 Oktober 1965
Pasarean: TMP Kalibata - Jakarta

Letnan Jenderal R. Suprapto (Purwokerto, 20 Juni 1920Lubangbuaya, Jakarta, 1 Oktober 1965) kuwi sawijining pahlawan nasional Indonesia. Suprapto minangka salah siji korban jroning Gerakan 30 September lan disrèkaké ing Taman Makam Pahlawan Kalibata, Jakarta.

Karir Militer[sunting | sunting sumber]

Sawisé Proklamasi kamardikan, Soeprapto gabung dadi Tentara keamanan Rakyat (TKR), bibit kawité militèr Indonesia. Suprapto uga mèlu ngayahi operasi pelucutan senjata Jepang. Suparpto sabanjuré dadi ajudan saka Panglima pisanan yakuwi Jenderal Sudirman, jabatan kang diwengku saka taun 1946 nganti 1947.[1] Ing September 1949, Suprapto dadi Kepala Staf Kodam Diponegoro ing Jawa Tengah, banjur pindhah menyang Markas Besar AD ing taun 1951. Tanggal 7 Mei, 1960 dipindhah menyang Medan, Sumatra dadi Kasdam ing Sumatra. Jabatan pungkasan yakuwi minangka Asisten ing Markas Besar AD saka tanggal 1 Juli 1962 nganti sédané.

Séda[sunting | sunting sumber]

Subuh tanggal 1 Oktober 1965, anggota G 30 S PKI teka ing dalemé Soeprapto ing Jalan Besuki No. 9, Menteng, Jakarta. Para penculik mau asal saka Pasukan pengawal Presidhèn "Tjakrabirawa", kang ngandhani yèn Suprapto ditimbali déning Presidhèn Sukarno. Nalika pamit arep ganti klambi ora diidinaké, lan Suprapto digawa ngangggo truk menyang Lubang Buaya, kang dadi markasé G30S/PKI. [2] Wenginé Suprapto dibedhil bareng karo para jendral TNI liyané kang diculik. Kabèh jasadé para jendral mau dilebokaké jroning sumur tuwa ing Lubang Buaya.

Perwira TNI sing diculik nalika kuwi yaiku: Jenderal TNI Anumerta Ahmad Yani, Letnan Jenderal TNI Anumerta Suprapto, Letnan Jenderal TNI Anumerta Siswondo Parman, Letnan Jenderal TNI Anumerta M.T. Haryono Mayor Jenderal TNI Anumerta D.I. Panjaitan, Mayor Jenderal TNI Anumerta Sutoyo Siswomiharjo, lan siji perwira pertama yaiku Kapten CZI Anumerta Pierre Tendean.

Jasad para pahlawan mau pungkasané bisa ditemokaké lan sabanjuré disarèkaké kanthi upacara pakurmatan negara ing Taman Makam Palawan Kalibata, Jakarta Selatan.

Liwat Kaputusan Presidhèn No. 111/KOTI/1965, Presidhèn Sukarno ngangkat Suprapto minangka Pahlawan Revolusi.[3]

Referensi[sunting | sunting sumber]

Umum[sunting | sunting sumber]

  • Bachtiar, Harsja W. (1988), Siapa Dia?: Perwira Tinggi Tentara Nasional Indonesia Angkatan Darat (Who's Who?: Senior Officers of the Indonesian Army), Penerbit Djambatan, Jakarta, ISBN 979-428-100-X
  • Mutiara Sumber Widya (publisher) (1999) Album Pahlawan Bangsa (Albam of National Heroes), Jakarta
  • Sekretariat Negara Republik Indonesia (1994) Gerakan 30 September Pemberontakan Partai Komunis Indonesia: Latar Belakang, Aksi dan Penumpasannya (The 30 September Movement/Communist Party of Indonesia: Background, Actions and its Annihilation) ISBN 979-08300-025
  • Sudarmanto, Y.B. (1996) Jejak-Jejak Pahlawan dari Sultan Agung hingga Syekh Yusuf (The Footsteps of Heroes from Sultan Agung to Syekh Yusuf), Penerbit Grasindo, Jakarta ISBN 979-553-111-5

Cathetan[sunting | sunting sumber]

  1. ^ Bachtiar (1988)
  2. ^ Sekretariat Negara Republik Indonesia (1994)
  3. ^ Mutiara Sumber Widya (publisher)(1999)

Pranala njaba[sunting | sunting sumber]