Agustinus Adisucipto

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Agustinus Adisutjipto

Agustinus Adisoetjipto, Marsekal Muda Anumerta (lair ing Salatiga, Jawa Tengah, 3 Juli 1916 – kapundhut ing Bantul, Yogyakarta, 29 Juli 1947 nalika umur 31 taun) iku salah siji Pahlawan Nasional lan salah siji komodor udara Indonésia. Dheweke nduweni agama Katulik [1]. Adisucipto dilairake tanggal 3 Juli 1916 ing Salatiga. Dheweke tau sekolah ing GHS (Geneeskundige Hoge School) (Sekolah Tinggi Kedokteran) lan uga dadi lulusan Sekolah Penerbang Militaire Luchtvaart ing Kalijati.

Nalika tanggal 15 Nopember 1945, Adisutjipto ngedekake Sekolah Penerbang ing Yogyakarta, luwih pase ing Lapangan Udara Maguwo, kang banjur diganti jenenge dadi Bandara Adisutjipto kanggo ngenang jasa minangka Pahlawan Nasional.

Nalika wektu Agresi Militer Belanda I, Adisutjipto lan Abdulrahman Saleh diperintah lunga menyang India. Wong loro mau kasil anggone nembus pertahanan udarane Belanda kanggo menyang India lan Pakistan [2]. Nanging nalika bali Indonésia gawa obat saka Malaya, motor mabur kang ditumpaki (Pesawat Dakota VT-CLA) ciblok ditembak dening motor mabur P-40 Kittyhawk Belanda ing desa Ngoto nalika tanggal 29 Juli 1947. Adisutjipto disarekake ing pesarean umum Kuncen I lan II, banjur nalika tanggal 14 Juli 2000 dipindahake menyang Monumen Perjuangan ing Desa Ngoto, Bantul, Yogyakarta.

Cathetan sikil[sunting | sunting sumber]

  1. ^ Koran Kompas Cyber Media, Sabtu 15 Juli 2000, Dipindah, Kerangka Jenazah Adisutjipto dan Abdulrachman Saleh
  2. ^ Angkasa Online No 1 Oktober 2006 Tahun XVIIPara Sahabat AURI yang Terlupakan