Soedirman

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Soedirman
24 Januari 191629 Januari 1950
Sudirman.jpg
Jenderal Besar Soedirman
Papan kelairan Bodas Karangjati, Purbalingga, Jawa Tengah
Papan pesaréan Magelang, Jawa Tengah, Indonesia
Pengabdian tumrap Flag of Indonésia Indonésia
Suwéné dines 1945–1950
Pangkat Jenderal Besar Anumerta Bintang Lima (1997)
Kesatuan TKR/TNI
Divisi V / Banyumas
Batalyon Kroya
Komando Panglima Besar TKR / TNI (pangkat Jenderal)
Panglima Divisi V / Banyumas (pangkat Kolonel)
Komandan Batalyon Kroya, Jawa Tengah
Perang Palagan Ambarawa
Serangan Umum 1 Maret 1949
Perang Kamardhikan Indonesia
Penghargaan Pahlawan Pembela Kemerdekaan

Soedirman utawi jangkepipun Jendral Besar TNI Anumerta Soedirman (Ejaan Soewandi: Sudirman) (lair ing Bodas Karangjati, Rembang, Purbalingga, 24 Januari 1916 – tilar donya ing Magelang, 29 Januari 1950 kanthi yuswa 34 taun) inggih punika salah sawijining pahlawan Indonesia ingkang berjuang ing mangsa kamardhikan Republik Indonesia. Katulis wonten ing sejarah Indonesia , panjenengane njabat dados Panglima lan Jendral Indonesia kapisan ingkang paling nem. Nalika yuswanipun Soedirman 31 taun panjenengane sampun dados Jendral. Sanadyan gerah Tuberkulosis Paru-paru panjenengane tetep berjuang ing palagan kagem mbela kamardhikan Indonesia. Soedirman tilar donya amargi gerah Tuberkulosis Paru-paru lan dipunsarèkaké ing Taman Makam Pahlawan Semaki (Kusumanegara), Yogyakarta.

Keluwarga[sunting | sunting sumber]

Soedirman ageng wonten ing kulawarga ingkang sedherhana. Ramanipun, Karsid Kartowirodji makarya wonten ing Pabrik Gula Kalibagor, Banyumas. Lan ibunipun, Siyem inggih punika keturuna Wedana Rembang. Nalika Soedirman 8 sasi panjenengane dipunpundhut putra dening Raden Tjokrosoenaryo salah satunggaling asisten Wedana Rembang ingkan taksih seduluripun Siyem.


Soedirman nglampahi pasinaonan wonten ing Sekolah Taman Siswa ingkang dipunlajengaken wonteng ing HIK Sekolah guru Muhammadiyah wonten ing kutha Surakarta ananging boten purna. Nalika sekolah panjenengane ugi anggota organisasi Pramuka Hizbul Wathan. Soedirman dados guru wonten ing HIK Muhammadiyah ing Cilacap.


Nalika mangsa penjajahan Jepang Soedirman mlebet ing tentara Pembela Tanah Air PETA ing Bogor dipundidik dening tentara Jepang. Sasampunipun ngrampungaken pasinaunan ing PETA panjenengane dados Komandan Batalyon ing Kroya, Cilacap|Kroya Jawa Tengah. Lajeng dados Panglima Divisi V/Banyumas sasampunipun TKR kabentuk, lan dados Panglima Angkatan Perang Republik Indonesia Panglima TKR.

Soedirman misuwur kanthi pribadi ingkang teguh ing kapercayan lan cekelan urip, Soedirman langkung ngutamakake keperluan masyarakat lan negri tinimbang kaperluanipun piyambak, kesehatanipun Soedirman piyambak ugi. Katulis ing buku anggitaning Tjoktopranolo pungawanipun nalika gerilya, panjenengane tiyang ingkang konsisten lan konsekuen nalika mbela kepentingan negri.

Nalika penjajahan Jepang Soedirman nate dados anggota Badan Pengurus Makanan Rakyat lan anggota Dewan Perwakilan Rakyat Karesidenan Banyumas. Lan mbangun Koperasi kagem nulung rakyat saking kelaparan.


Sasampunipun Perang Dunia II purna, Jepang nyerah tanpa sarat marang Pasukan Sekutu lan Soekarno ngumumaken kamardhikan Indonesia. Soedirman angsal prestasi kapisan dados tentara sawise mundhut senjata tentara Jepang ing Palagan Banyumas, Jawa Tengah. Soedirman mimpin batalyon PETA dados resimen ing Banyumas ingkang dipunrintis dados pasukan perang republik Indonesia lan dados pasukan utama ing perang Revolusi Nasional Indonesia.


Perang Dunia II kang dipunmenangaken dening tentara Sekutu ing atase Jepang ndadosaken tentara Belanda mlebet ing pulo Hindia, Belanda saniki Republik Indosenia ingkang sampun mutuasake kangge mardhika. Tentara Sekutu dugi ing Indonesia sawise tentara Jepang nyerah kanthi alasan mundhut ragatipun tentara Jepang, ananging NICA tumut kalih tentara Sekutu badhe mundhut Indonesia dados koloninipun. Ananging TKR perang kaliyan tentara Sekutu.

Palagan ageng kapisan ingkang dipunpimpin dening Soedirman inggih punika Palagan Ambarawa nglawan tentara Inggris lan NICA, Belanda ingkang kalaksanan ing wulan November dumugi Desember 1945. 12 Desember 1945 Soedirman nyerang Inggris sesarengan ing Ambarawa. Palagan wau kalaksana 5 dinten dipunpungkasi kanthi mundhuripun tentara Inggris ing Semarang tanggal 16 Desember 1945.

Sawise Soedirman menang ing Palagan Ambarawa tanggal 18 Desember 1945, panjenengane dipunangkat dados Jendral dening Presiden Soekarno. Soedirman angsal gelar Jendral boten saking sistem Akademi Militer utawi pasinaonan sanes ananging saking prestasinipun.


Nalika Agresi Militer II Belanda kedaden, ibukotanipun Indonesia dipunpindah wonten ing Yogyakarta sebab Jakarta sampun dipunkuwasai dening tentara Belanda. Soedirman mimpin tentara kagem mbela Yogyakarta saking Belanda tanggal 19 Desember 1948. Nalika palagan kasebut, panjenengane sampun gerah Tuberkulosis ingkang sampun parah. Sanadyan kados mekaten panjenengane tetep tumut perang kanthi tandu .

Soedirman langkung awrat anggenipun nglampahi gesangipun, amargi paru-parunipun penjenange namung kantun setunggal ingkang saged dipunagem. Salajengipun Yogyakarta dipunpundhut denng Belanda, sanadyan sempet dipunkuwasai Indonesia nalika Seranagan Umum I Maret 1949. Nalika samanten, Presiden Soekarno lan Mohammad Hatta lan saperangan anggota kabinet dipuncekel dening tentara Belanda. Amargi kahanan ingkang awrat, Soedirman kanthi dipuntandu mimpin perang. Panjengane pindah-pindah ngantos 7 sasi saking wana dumugi wana, saking gunung ing gunung kanthi kahanan gerah ingkang awrat. Sanadyan tasih kersa mimpin perang, panjenengane kondur.

Sasampunipun Belanda nyerahaken kepuloan nusantara dados Republik Indonesia Serikat ing Konferensi Meja Bundar taun 1949 ing Den Haag, Jendral Soedirman kondur ing Jakarta bebarengan kaliyan Presiden Soekarno lan Mohammad Hatta.

Tilar Donya[sunting | sunting sumber]

Nalika 29 Januari 1950, Jendral Soedirman tilar donya ing kutha Magelang, Jawa Tengah sebab gerah Tuberkulosis ingkang awrat. Lan dipunmakamaken ing Taman Makam Pahlawan Kusuma Negara ing Semaki, Yogyakarta. Panjenenganipun tunjuk dados Jendral Besar Anumerta kanthi gangsal lintang, dumugi samenika pangkat punika namung dipunparingaken dening 3 Jendral ing Indonesia inggih menika Haji Muhammad Soeharto, Abdul Haris Nasution lan panjengipun.


Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Soedirman&oldid=882227"