Wage Rudolf Soepratman

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wage Rudolf Soepratman
Wage Rudolf Soepratman

Lair 9 Maret 1903
Flag of Belanda Jatinegara, Batavia, Hindia Walanda
Tilar donya 17 Agustus 1938 (umur 35)
Flag of Belanda Surabaya, Hindia Walanda
Kabangsan Flag of Belanda Hindia Walanda
Wage Rudolf Soepratman ing dhuwit Rp. 50.000,-

Wage Rudolf Soepratman (Jatinegara, 1903Makassar, 1938) iku pengarang lagu kabangsan nagara Indonesia: Indonesia Raya. Laire ing Jatinegara kala taun 1903. Bapake jenenge Soepardjo, nalika iku dadi sersan ing Batalyon VIII. Soepratman sedulure ana enem, lanang siji, liyane wadon kabeh. Salah sijine jenenge Roekijem (Rukiyem).

Nalika taun 1914 Soepratman melu Roekijem menyang Makassar. Neng kono disekolahake lan diragadi karo bojone Roekijem, sawijining tentara Walanda sing ajeneng Van Eldijk.

Soepratman sinau basa Landa ing kursus bengi, 3 taun, banjur nerusake ing pamulangan Normal. Nalika umur 20 taun di didadekake guru ing sekolahan angka 2. Rong taun sabanjure oleh dhiplomah (ijazah) Klein Ambtenaar. Soepratman banjur dipindah menyang kutha Singkang. Neng kono ora suwe, banjur njaluk mandheg lan pindah menyang Makassar maneh.

Roekijem iku seneng banget karo sandiwara lan musik. Akeh karangane lelakonan sandiwara sing kerep dipitontonake ing mes militer. Kajaba iku Roekijem uga pinter nabuh piyul (biola). Kasenengane mau iku jebule nular ing adhine. Soepratman melu seneng maca-maca buku musik lan men musik.