Cut Nyak Meutia

Saka Wikipédia Jawa, bauwarna mardika basa Jawa
(Kaelih saka Tjoet Nyak Meutia)
Cut Nyak Meutia

Cut Nyak Meutia (1870 Pirak, Keureutoe, Acèh Utara-24 Oktober 1910) iku pahlawan nasional Indonésia saka laladan Acèh. Panjenengané disarèkaké ing Alue Kurieng, Acèh

Wiwitané Cut Meutia berjuang nglawan Walanda bebarengan karo garwané, ya iku Teuku Muhammad, utawa Teuku Cik Tunong. Nanging ing sasi Maret 1905, Cik Tunong kecekel déning Walanda lan diukum mati ing pinggir pasisir Lhokseumawe. Sadurungé séda, Teuku Cik Tunong pesen marang sahabaté Pang Nagroe supaya gelem nikah karo garwané lan ngrawat anaké, Teuku Raja Sabi.

Cut Meutia banjur nikah karo Pang Nagroe, nurut wasiat garwané, lan nggabung karo wadyabala liyané ing sangisoré pimpinan Teuku Muda Gantoe. Ana ing sawijining pertempuran karo Korps Marechausée ing Paya Cicem, Cut Meutia lan para wanita lumayu lumebu alas. Pang Nagroe dhéwé terus nglawan nganti pungkasané tiwas ing tanggal 26 September 1910.

Cut Meutia banjur bangkit lan terus nglawan bebarengan karo sisa-sisa wadyabala. Panjenengané nyerang lan ngrampas pos-pos kolonial sinambi maju menyang Gayo ngliwati alas. Nanging ana ing tanggal 24 Oktober 1910, Cut Meutia lan pasukkané tarung karo Marechausée ing Alue Kurieng. Sajeroning perang campuh mau Cut Nyak Meutia palastra.

Pranala njaba[besut | besut sumber]