Sutomo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
Sutomo
Sutomo

Mangsa jabatan
27 Agustus 1964 – 26 Maret 1966
Pejabat sadurungé Ahem Erningpradja
Pengganti Awaluddin Djamin

Lair 3 Oktober 1920
Flag of the Netherlands.svg Surabaya, Jawa Wétan, Hindia Walanda
Tilar donya 7 Oktober 1981 (umur 61)
Flag of Saudi Arabia.svg Padang Arafah, Arab Saudi
Kabangsan Flag of Indonesia.svg Indonesia
Agama Islam

Sutomo (lair ing Surabaya, Jawa Wétan, 3 Oktober 1920 – tilar donya ing Padang Arafah, Arab Saudi, 7 Oktober 1981 kanthi umur61 taun)[1] luwih misuwur kanthi sebutan Bung Tomo, yaiku pahlawan sing misuwur amarga peranané mbangkitaké semangat rakyat kanggo nglawan Walanda liwat tentara NICA. Sutomo lair ing Kampung Blauran, kutha Surabaya. Bapaké kang asma Kartawan Tjiptowidjojo, wis tau nyambut gawé dadi pegawai pamerintahan minangka staf pribadi ing sawijining perusahaan swasta, dadi asisten ing sawijining kantor pajek lan pegawai cilik ing perusahaan ékspor-impor Walanda[2].

Rikala enom[sunting | sunting sumber]

Sutomo gedhé ing lingkungan sing seneng marang pendhidhikan. Dhèwèké seneng nyambut gawé kang rekasa kanggo ngowahi nasib. Nalika umure 12 taun, dhèwèké dipeksa metu saka MULO, Sutomo banjur kerja cilik-cilikan kanggo ngisi wektu. Banjur dhèwèké sêkolah ing HBS nanging ora tau resmi lulus. Sutomo banjur melu KBI (Kepanduan Bangsa Indonesia). Saka KBI Sutomo oleh filsafat kepanduan lan kesadaran nasionalis. Nalika umur 17 taun, dhèwèké dadi misuwur amarga kasil dadi wong sing kapindho ing Hindia Belanda kang entuk peringkat Pandu Garuda[2].

Pamimpin Pêrjuangan Pêrtempuran Surabaya 10 November 1945[sunting | sunting sumber]

Sutomo tau dadi jurnalis kang suksès. Banjur dhèwèké melu klompok-klompok sosial lan politik. Nalika dhèwèké kapilih dadi anggota Gerakan Rakyat Baru (1994) sing disponsori Jepang, ora ana kang kenal karo dhèwèké. Nanging kabèh mau kanggo persiapan Sutomo kanggo perané sing penting ing Oktober lan November 1945, dhèwèké dadi salah sawijining pamimpin sing ngopyaki lan mbangkitaké semangat rakyat Surabaya, sing nalika kuwi Surabaya diserang karo tentara-tentara NICA. Sutomo dikenang déning masarakat amarga seroan-seroané ing siaran-siaran radioné[2].

Sakwisé kamardikan[sunting | sunting sumber]

Sakwisé kamardikan Indonésia, Sutomo nyemplung ana ing politik yaiku taun 1950-an, nanging dhèwèké ora krasa bungah lan banjur ngilang saka kancah politik. Ing akhir kapemimpinané Soekarno lan kawitan pamerintahané Suharto sing awitané didukung, Sutomo dadi tokoh nasional manèh[2].

Manéka warna jabatan penting kanegaraan wis tau disandang Bung Tomo. Dhèwèké wis tau njabat dadi Mentri Negara Urusan Bekas Pejuang Bersenjata/Vèteran lan Mentri Sosial Ad Interim taun 1955-1956 ing jamane Kabinèt Perdana Mentri Burhanuddin Harahap. Bung Tomo uga dadi anggota DPR taun 1956-1959 sing makili Partai Rakyat Indonesia[2].

Nanging nalika awal taun 1970-an, dhèwèké nentang Orde Baru. Dhèwèké ora sarujuk karo program-program Suharto saengga dhèwèké ditahan pamerintah (11 April 1978) amarga kuatir marang kritik-kritiké. Setahun ditahan, dhèwèké banjur dibebasaké déning Soeharto[2].

Dhèwèké isih seneng marang prakara-prakara politik nanging wis ora tau ngaton maneh ing kancah politik.

Sutomo kuwi wong sing taat marang agama nanging dhèwèké ora tau nganggêp dhèwèké Muslim Salèh, utawa calon pamuka agama. Tanggal 7 Oktober 1981 dhèwèké seda ing Padang Arafah, nalika lagi munggah kaji. Nanging dhèwèké ora dikubur ing Arab, jinazahé digawa menyang Indonesia lan disarèkaké ing Tempat Pemakaman Umum Ngagel ing Surabaya[2].

Gêlar Pahlawan Nasional[sunting | sunting sumber]

Sakwisé pamarentah didhesek karo Gerakan Pemuda (GP) Ansor lan Fraksi Partai Golkar (FPG) karebèn mènèhi gelar pahlawan marang Bung Tomo tanggal 9 Novémber 2007.[3] Wasanané gelar pahlawan nasional diwènèhaké Bung Tomo ngepasi pèngetan dina Pahlawan tanggal 10 November 2008. Kaputusan iki diumumaké karo Menteri Komunikasi dan Informatika Kabinet Indonesia Bersatu, Muhammad Nuh pada tanggal 2 November 2008 ing Jakarta[4]. Kanggo ngenang Bung Tomo uga, ing taun 2010 stadion anyar ing Surabaya dijenengi Stadion Gelora Bung Tomo.



Sumber artikel punika saking kaca situs web: "http://jv.wikipedia.org/w/index.php?title=Sutomo&oldid=879625"