Teuku Umar
| Teuku Umar | |
|---|---|
 |
|
| Lair | 1854 Meulaboh |
| Tilar donya | 11 Februari 1899 Meulaboh |
| Dikawruhi amarga | Pahlawan Nasional Indonesia |
Teuku Umar (Meulaboh, 1854 - Meulaboh, 11 Februari 1899) yaiku pahlawan kamardhikan Indonésia kang mimpin perang gerilya ing Aceh nalika jaman Walanda.[1]Teuku Umar iku bojone salah siji pahlawan nasional Indonesia, Cut Nyak Dhien.[1]Dheweke kapundhut nalika tentara Walanda nyerang Meulaboh, mayitipun disarekake ing Mugo.[1]
Bab lan Paragraf |
Asal Usul [sunting]
Teuku Umar lair ing dhaerah Meulaboh,Aceh Barat nalika taun 1854.[1] Asmane bapake yaiku Ahmad Mahmud keturunan Uleebalang, Meulaboh.[1] Buyute Umar asale saka keturunan Minangkabau yaiku Datuk Makudum Sati.[1] Salah sijining keturunane Datuk Makudum Sati prenah nduwe jasa marang Sultan Aceh nalika kena ancaman saka Panglima Sagi sing pengin ngrebut palungguhane.[1] Nalika umur 20 taun, Teuku Umar kawin karo Nyak Sopiah, anak Uleebalang, Glumpang.[2] Teuku umar kawin karo Cut Nyak Dhien, sing nalika kuwi lagi wae dadi randa anyaran amarga bojone, Teuku Ibrahim Lamnga, kapundhut nalika nglawan Walanda.[3] Saka Cut Nyak Dhien, Teuku Umar nduwe anak wadon siji kang dijenengi Cut Gambang.[3]
Riwayat Perjuangan [sunting]
Karir sing paling kondhang dilakoni dening Teuku Umar yaiku strategi perange nalika perang nglawan Walanda. Tanggal 5 April 1873, Walanda lan prajurite kang cacahe 3000 nyerang Kerajaan Aceh Darussalam lan bisa nguwasani tekan Mesjid Raya Baiturrahman.[4] Nanging pasukan Aceh bisa ngampleng balik prajurit Walanda nalika Mayor Jenderal JHR. Kohler ditembak mati.[4] Walanda sing krasa keteteran ngundang bala saka Batavia. Bala-bala rewangan saka Batavia ndadekake para pejuang Aceh kalang kabut.[5] Akeh tentara Aceh kang gugur ing medan perang, ing antarane yaiku gugure Teuku Ibrahim Lamnga tanggal 29 Juni 1878.[5] Teuku Umar sing tansah mangerteni kaanan pasukane, wusanane nduweni penggalih supaya tentara Aceh bisa nduweni daya kanggo nglawan Walanda, yaiku Teuku Umar ethok-ethok nyerah karo Walanda.[5] Nanging sejatine taktik mau duweni ancas njupuki senjatane tentara Kompeni kanthi cara alus.[5] Nalika wis dipercaya, Teuku Umar bali marang pasukan Aceh kanthi nggawa perbekalan lan persenjataan nganggo kapal Bengkulen.[5]
Akhir Hayat [sunting]
Cathetan Suku [sunting]
i
