Gunung Batur

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Batur
Gunung Batur from Kintamani.jpg
Lokasi Kabupaten Bangli, Bali
Kota terdekat {{{kota}}}
Negara Indonesia
Tipe Strato ing jero kaldera
Jeblugan pungkasan {{{erupsi}}}
Ketinggian {{{ketinggian}}}
Koordinat 8°14'5" LK 115°22'5" BW

Gunung Batur minangka sawijining gunung geni aktif ing Kecamatan Kintamani, Kabupaten Bangli, Bali, Indonesia. Dumunung ing sisih kulon-loré Gunung Agung, gunung iki duwé kaldera kanthi ukuran 13,8 x 10 km lan minangka salah siji kang paling gedhé lan paling éndah ing donya (van Bemmelen, 1949). Galengan kaldera dhuwuré watara 1267 m - 2152 m (pucuk G. Abang). Jroning kaldera I kawangun kaldera II kang awangun bunder kanthi garis tengah kurang luwih 7 km. Dhasar kaldera II dumunung antara 120 - 300 m luwih cendhèk saka Undak Kintamani (dhasar Kaldera I). Ing jeronè kaldera mau ana tlaga kang awangun bulan sabit kang manggoni sisih kidul-wétan lan dawané watara 7,5 km, amba maksimum 2,5 km, ubengé watara 22 km lan jembaré watara 16 km2 kang diarani Tlaga Batur. Kaldera Gunung Batur kira-kira kawangun déning loro jeblugan gedhé, 29.300 lan 20.150 taun kapungkur [1].

Gunung Batur dumadi saka telu kerucut gunung geni kanthi kawah: Batur I, Batur II lan Batur III.

Jeblugan[sunting | sunting sumber]

Gunung Batur wis makaping-kaping njeblug. Kagiatan jeblugan G. Batur kang kacathet jroning sajarah diwiwiti taun 1804 lan jeblugan pungkasan kadadè taun 2000. Wiwit taun 1804 nganti 2005, Gunung Batur wis njeblug ping 26 [2] lan paling gedhé kadadèn tanggal 2 Agustus naganti 21 September 1926. Jeblugan Gunung Batur kuwi nggawé ilèn lahar panas kang nimbun Desa Batur lan Pura Ulun Danu Batur.

Desa Batur kang anyar, diwangun manèh ing pinggir kaldera sisih kidul Kintamani. Pura Ulun Danu diwangun manèh, nganti saiki isih misuwur minangka pura kang paling éndah ing Bali. Pura iki dipersembahaké kanggo ngurmati "Dewi Danu" yakuwi dewi panguwasa banyu, kayadéné pura kang ana ing Tlaga Bratan uga dipersembahaké kanggo muja "Dewi Danu".

Objek Wisata[sunting | sunting sumber]

Gunung Agung ing kiwa; Gunung Batur kanthi kalderané katon ing sisih tengen.

Kawasan Gunung Batur misuwur minangka obyek wisata andalan Kabupaten Bangli. Miturut carita jroning Lontar Susana Bali, Gunung Batur minangka pucuking Gunung Mahameru kang dipindahaké Bathara Pasupati kanggo didadèkaké istanané Betari Danuh. Jroning wektu tartamtu, kabèh umat Hindhu saka dhaerah ing Bali teka menyang Batur ngaturaké Suwinih kanggo ngusir bencana ama kang nerjang ladang tetanduran. Kanthi ngaturaké suminih iki kawasan gunung Batur dadi daerah kang subur.

Dhaerah kang bisa ditonjolaké minangka obyek wisata yakuwi kawah, kaldera lan tlaga. Ana ilèn banyu jroning lemah kang ngilèkaké banyu Tlaga Batur, kang muncul dadi sumber banyu ing sawetara panggonan ing Bali lan dianggep minangka "Tirta Suci"

Wisata budaya kang ana ing kawasan Gunung Batur yakuwi Trunyan. Senajan kabèh pedunung Trunyan nganut agama Hindhu kaya umumé masyarakat Bali, nanging wong Trunyan ngakoni yèn Hindhu Trunyan minangka Hindhu asli warisan krajaan Majapahit. Ing sisih lor Trunyan ana kuban, yakuwi sawijining pesaréyan desa, ing pasaréyan mau jenazah ora dikuburaké utawa diobong, nanging didèlèh ing ngisor wit sawisé upacara kepatèn kang rumit. Papan pasaréyan iki dikebaki déning balung-balung, lan bisa uga kita temokaké mayit kang isih anyar.

Delengen uga[sunting | sunting sumber]

Referensi[sunting | sunting sumber]

Logo Wikimedia Commons
Pirsani galeri bab Gunung Batur ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Gunung_Batur&oldid=813482"