Menyang kontèn

Susilo Bambang Yudhoyono

Saka Wikipédia Jawa, bauwarna mardika basa Jawa
Susilo Bambang Yudhoyono
Présidhèn Républik Indonésia kaping 6
Linggih
20 Oktober 2004 – 20 Oktober 2014
Wakil PrésidhènJusuf Kalla (2004–2009)
Boediono (2009–2014)
Kang sadurungéMegawati Soekarnoputri
Kang sawiséJoko Widodo
Mentri Koordinator Babagan Pulitik lan Keamanan Indonésia kaping 8
Linggih
10 Agustus 2001 – 12 Maret 2004
PrésidhènMegawati Soekarnoputri
Kang sadurungéAgum Gumelar
Kang sawiséHari Sabarno (Plt.)
Widodo A. S.
Mentri Koordinator Babagan Pulitik, Sosial lan Keamanan Indonésia
Linggih
23 Agustus 2000 – 1 Juni 2001
PrésidhènAbdurrahman Wahid
Kang sadurungéSoerjadi Soedirdja
Kang sawiséAgum Gumelar
Mantri Pertambangan lan Energi Indonésia kaping 11
Linggih
29 Oktober 1999 – 23 Agustus 2000
PrésidhènAbdurrahman Wahid
Kang sadurungéKuntoro Mangkusubroto
Kang sawiséPurnomo Yusgiantoro
Rerincèn dhiri
Lair (1949-09-09) Sèptèmber 9, 1949 (umur 75)
Pacitan, Jawa Wétan, Indonésia
Parté pulitikParté Dhémokrat
SisihanKristiani Herrawati

Jendral (TNI) Susilo Bambang Yudhoyono (Jawa: ꦯꦸꦱꦶꦭꦨꦩ꧀ꦧꦁꦪꦸꦝꦪꦟ) kang lair ing Pacitan, Jawa Wétan, tanggal 9 September 1949 iku mantan pènsiunan jéndral militèr Indonésia lan Présidhèn Indonésia kaping 6 kang kapilih ing pemilihan umum kanthi langsung kang sepisanan déning rakyat. Yudhoyono menang ing pemilu présidhèn September 2004 liwat rong tahapan pemilu présidhèn Indonésia saka kandhidhat Présidhèn Megawati Soekarnoputri. Panjenengané wiwit njabat tanggal 20 Oktober 2004 lan diampingi Jusuf Kalla minangka Wakil Présidhèn.

Latar Wuri Kulawarga

[besut | besut sumber]

Susilo Bambang Yudhoyono lair ing Kabupatèn Pacitan, Jawa Timur tanggal 9 September 1949 saka pasangan Radén Soekotjo (bapak) lan Siti Habibah (ibu). Saka silsilah bapaké, bisa digolèki nganti tekan Pakubuwana lan isih ana gegayutané karo trah Hamengkubuwana II.[1]

Kayadéné bapaké, SBY uga mèlu ing donyané militèr. Saliyané manggon ing omah kulawargané kang ana ing Bogor (Jawa Barat), SBY uga manggon ing Istana Merdeka, Jakarta. Susilo Bambang Yudhoyono nikah karo Kristiani Herrawati putri kaping teluné saka Jènderal (Purnawirawan) Sarwo Edhi Wibowo (alm). Komandan militèr Jènderal Sarwo Edhi Wibowo mèlu ngréwangi numpes PKI (Parté Kuminis Indonésia) ing taun 1965. Susilo Bambang Yudhoyono duwèni putra kang cacahé loro, ya iku Agus Harimurti Yudhoyono (lair 1978) lan Edhie Baskoro Yudhoyono (lair 1980).

Agus iku lulusan saka SMA Taruna Nusantara ing taun 1997 lan Akademi Militer Indonésia taun 2000. Kayadéné bapaké, Agus uga èntuk bebungah Adhi Mekayasa lan prajurit kanthi gelar Létnan Satu Tentara Nasional Indonésia Angkatan Dharat kang tinanggenah ing Batalion Infantri ing Bandung, Jawa Barat. Agus nikah karo Anissa Larasati Pohan, aktris kang uga putriné mantan Dèputi Gubernur Bank Indonésia. Wiwit pertengahan taun 2005, Agus nerusaké sekolah kanggo èntuk gelar master-é ing Strategic Studies at Institute of Defense and Strategic Studies, Singapura. Putrané kang ragil, Edhie Baskoro lulus kanthi gelar gandha ing Financial Commerce dan Electrical Commerce taun 2005 saka Curtin University of Technology ing Perth, Australia Kulon.

Pendhidhikan

[besut | besut sumber]
  • Akademi Angkatan Bersenjata RI (Akabri) taun 1973
  • American Language Course, Lackland, Texas Amérika Sarékat, 1976
  • Airbone and Ranger Course, Fort Benning, AS, 1976
  • Infantry Officer Advanced Course, Fort Benning, AS, 1982-1983
  • On the job training di 82-nd Airbone Division, Fort Bragg, AS, 1983
  • Jungle Warfare School, Panama, 1983
  • Kursus Senjata Antitank ing Bèlgi lan Jerman, 1984
  • Kursus Komando Batalyon, 1985
  • Sekolah Komando Angkatan Darat, 1988-1989
  • Command and General Staff College, Fort Leavenworth, Kansas, AS
  • Master of Art (MA) saka Management Webster University, Missouri, AS
  • Dhoktor ing babagan Ékonomi Pertanian saka Institut Pertanian Bogor (IPB), taun 2004

Karier Militèr

[besut | besut sumber]

Taun 1973, panjenengané lulus saka Akademi Militèr Indonésia (Akabri: Angkatan Bersenjata Républik Indonésia) kanthi pakurmatan Adhi Makayasa minangka murid lulusan paling apik lan Tri Sakti Wiratama kang minangka prèstasi paling dhuwur gabungan méntal, fisik, lan intelèk. Pèriode 1974-1976, panjenengané miwiti karier ing Dan Tonpan Yonif Linud 330 Kostrad. Ing taun 1976, panjenengané sekolah ing Airborne School lan US Army Rangers, American Language Course (Lackland-Texas), Airbone and Ranger Course (Fort Benning) Amérika Sarékat.

Karieré trus ing pèriode 1976-1977 ing Dan Tonpan Yonif 305 Kostrad, Dan Tn Mo 81 Yonif Linud 330 Kostrad (1977), Pasi-2/Ops Mabrigif Linud 17 Kujang I Kostrad (1977-1978), Dan Kipan Yonif Linud 330 Kostrad (1979-1981), Paban Muda Sops SUAD (1981-1982). Pèriode 1982-1984, panjenengané sekolah ing Infantry Officer Advanced Course (Fort Benning) Amèrika Sarékat.

Taun 1983, panjenengané sekolah ing On the job training in 82-nd Airbone Division (Fort Bragg) Amèrika Sarékat, Jungle Warfare School (Panama, Kursus Senjata Antitank ing Bèlgia lan Jérman ing taun 1984, Kursus Komando Batalyon (1985) lan miwiti karier ing Komandan Sekolah Pelatih Infanteri (1983-1985), Dan Yonif 744 Dam IX/Udayana (1986-1988), lan Paban Madyalat Sops Dam IX/Udayana (1988).

Pèriode 1988-1989, panjenengané sekolah ing Sekolah Komando Angkatan Darat lan nerusaké menyang US Command and General Staff College (Fort Leavenwort) Kansas Amérika Sarékat ing taun 1991. Pèriode (1989-1993), panjenengané kerja dadi Dosèn Seskoad Korspri Pangab, Dan Brigif Linud 17 Kujang 1 Kostrad (1993-1994), Asops Kodam Jaya (1994-1995), Danrem 072/Pamungkas Kodam IV/Diponegoro (1995), lan Chief Military Observer United Nation Peace Forces (UNPF) ing Bosnia-Herzegovina (1995-1996). Lulusan Master of Art (MA) saka Management Webster University Missouri iki uga miwiti karier ing Kasdam Jaya (1996), lan Pangdam II/Sriwijaya uga dadi Ketua Bakorstanasda. Taun 1997, panjenengané diangkat minangka Kepala Staf Teritorial (Kaster) TNI kanthi gelar Létnan Jènderal. Panjenengané pènsiun saka kemilitèran tanggal 1 April 2001 amarga diangkat dadi mantri.[2][3]

Karier Pulitik

[besut | besut sumber]

Susilo Bambang Yudhoyono tampil minangka juru wicara Fraksi ABRI nalika arep Sidang Umum MPR 1998 kang dianakaké ing tanggal 9 Maret 1998 lan Ketua Fraksi ABRI MPR ing Sidang Istiméwa MPR 1998. Tanggal 29 Oktober 1999, panjenengané diangkat minangka Mantri Pertambangan lan Energi ing papréntahan kang dipandhegani déning Présidhèn Abdurrahman Wahid. Setaun sawisé iku, ing tanggal 26 Oktober 1999, panjenengané dilantik minangka Mantri Koordinator Pulitik, Sosial, lan Keamanan (Menko Polsoskam) minangka konsekuensi panyusunan kabinèt Abdurrahman Wahid.[4]

Kanthi metuné Maklumat Présidhèn ing tanggal 28 Mèi 2001 jam 12.00 WIB, Ménko Polsoskam ditugasaké supaya golèk langkah-langkah mirunggan kanggo mbrantas krisis, ngadhegaké katertiban, keamanan, lan hukum sacepeté amarga kaanan pulitik kang darurat. Nalika iku, Ménko Polsoskam kang nyekel mandhat nerjemahaké kaanan pulitik darurat ora padha karo kaanan darurat kang ana ing sajeroning Undang-undang Nomor 23 taun 1959.

Durung genep setaun dadi Menko Polsoskam utawa limang dina sawisé nyekel mandhat, panjenengané dikon mundur ing tanggal 1 Juni 2001 déning kang mènèhi mandhat amarga ana ketegangan pulitik antarané Présidhèn Abdurrahman Wahid lan DPR. Jabatan pengganti minangka Mantri Dalam Negeri utawa Mantri Perhubungan kang ditawaraké déning présidhèn ora tau ditrima.

Kabinèt Gotong Royong kang dipandhegani déning Présidhèn Megawati Soekarnoputri nglantik panjenengané dadi Mantri Koordinator Babagan Pulitik lan Keamanan (Menko Polkam) ing tanggal 10 Agustus 2001. Ngrasa ora dipercaya manèh karo présidhèn, kalungguhan Menko Polkam ditinggalaké ing tanggal 11 Maret 2004. Madegé Parté Dhémokrat ing tanggal 9 September 2002 nguwataké jenengé supaya bisa tekan puncak karier pulitik. Nalika Parté Dhémokrat didéklarasikaké ing tanggal 17 Oktober 2002, panjenengané dicalonaké dadi présidhèn ing pemilu présidhèn 2004.

Sawisé mundur saka kalungguhan Ménko Polkam lan bebarengan karo masa kampanye pemilu lègislatif 2004, kanthi cara resmi panjenengané ana ing koridor Parté Dhémokrat. Anané panjenengané sajeroning Parté Dhémokrat bisa suksès ing pemilu lègislatif kanthi èntuk 7,45 % suwara. Ing tanggal 10 Mèi 2004, telung parté pulitik ya iku Parté Dhémokrat, Parté Keadilan lan Persatuan Indonésia, lan Parté Bulan Bintang kanthi cara resmi nyalonaké panjenengané minangka présidhèn lan kaampingan déning kandhidhat wakil présidhèn Jusuf Kalla.

Ringkesan Karier

[besut | besut sumber]
  • Dan Tonpan Yonif Linud 330 Kostrad (1974-1976)
  • Dan Tonpan Yonif 305 Kostrad (1976-1977)
  • Dan Tn Mo 81 Yonif Linud 330 Kostrad (1977)
  • Pasi-2/Ops Mabrigif Linud 17 Kujang I Kostrad (1977-1978)
  • Dan Kipan Yonif Linud 330 Kostrad (1979-1981)
  • Paban Muda Sops SUAD (1981-1982)
  • Komandan Sekolah Pelatih Infanteri (1983-1985)
  • Dan Yonif 744 Dam IX/Udayana (1986-1988)
  • Paban Madyalat Sops Dam IX/Udayana (1988)
  • Dosen Seskoad (1989-1992)
  • Korspri Pangab (1993)
  • Dan Brigif Linud 17 Kujang 1 Kostrad (1993-1994)
  • Asops Kodam Jaya (1994-1995)
  • Danrem 072/Pamungkas Kodam IV/Diponegoro (1995)
  • Chief Military Observer United Nation Peace Forces (UNPF) ing Bosnia-Herzegovina (wiwit sasi November 1995)
  • Kasdam Jaya (1996-mung limang sasi)
  • Pangdam II/Sriwijaya (1996–1997) uga dadi Ketua Bakorstanasda
  • Asospol Kassospol ABRI/wakil Ketua Fraksi ABRI MPR (Sidang Umum MPR 1998)
  • Kassospol ABRI/ Ketua Fraksi ABRI MPR (Sidang Istimewa MPR 1998)
  • Kepala Staf Teritorial (Kaster ABRI (1998–1999)
  • Mantri Pertambangan lan Energi (wiwit 29 Oktober 1999)
  • Mantri Koordinator Pulitik Sosial Keamanan (papréntahan Présidhèn KH Abdurrahman Wahid)
  • Mantri Koordinator Pulitik lan Keamanan(papréntahan Présidhèn Megawati Soekarnoputri) mundur kalungguhan tanggal 11 Maret 2004
  • Présidhèn Républik Indonésia (2004–2009)
  • Présidhèn Républik Indonésia (2009–2014)

Penugasan

[besut | besut sumber]

Jènderal TNI (Purnawirawan) Susilo Bambang Yudhoyono kang tau ditugasaké ing operasi ing Timor-Timur ing periodé 1979-1980 lan 1986-1988 iki èntuk gelar dhoktor (Ph.D.) ing babagan Ékonomi Pertanian saka Institut Pertanian Bogor (IPB) nalika tanggal 3 Oktober 2004. Nalika tanggal 15 Dhésèmber 2005, panjenengané èntuk gelar dhoktor kehormatan ing babagan ngèlmu pulitik saka Universitas Thammasat Bangkok (Thailand) [5]. Ing pidato nalika nampa gelar, panjenengané ngandaraké yèn pulitik minangka seni kanggo owah lan transformasi sajeroning nagara dhémokrasi kang tentrem. Panjenengané ora yakin tenan yèn pulitik iku ngèlmu.

Masa Kepresidenan

[besut | besut sumber]

MPR ing periode 1999–2004 ngamandemen Undang-Undang Dasar 1945 mula ndadèkaké présidhèn lan wakil présidhèn dipilih kanthi cara langsung karo rakyat. Pemilu présidhèn rong tahap banjur panjenengané bisa menang kanthi 60,9 % suwara pemilih lan kapilih dadi présidhèn. Panjenengane banjur dicathet minangka présidhèn terpilih pisanan pilian rakyat lan tampil minangka présidhèn Indonésia kaping enem sawisé dilantik ing tanggal 20 Oktober 2004 bebarengan karo Wakil Présidhèn Jusuf Kalla. Panjenengane unggul saka pasangan Présidhèn Megawati Soekarnoputri-Hasyim Muzadi ing pemilu 2004.

Kolusi, Korupsi, dan Nepotisme (KKN) minangka prioritas wigati ing papréntahane saliyané prakara kasus terorisme global. Penanggulangan bebayaning narkoba, togel, lan adol-tinuku manungsa uga dadi prakara kang abot lan butuh kerja kang tenanan bebarengan karo rakyat lan pamaréntah.

Ing masa jabatane, Indonésia asring kena bencana alam kaya ta gelombang tsunami, lindhu, lsp. Kabèh iku dadi tantangan tambahan kanggo Présidhèn kang isih ngupayakake munggahake ékonomi nagara lan karaharjan rakyat.

Susilo Bambang Yudhoyono uga mbentuk UKP4R, lembaga kepresidenan kang saiki dipandhegani déning Kuntoro Mangkusubroto (Marsilam Simandjuntak nalika nembé diwangun) tanggal 26 Oktober 2006.[6] Nalika pisanan diwangun, lembaga iki ditentang karo Parté Golkar amarga ana isu Wakil Présidhèn Jusuf Kalla ora diajak nalika mbentuk lembaga iki sarta isu anané UKP4R kanggo ngethok wewenang Wakil Présidhèn, nanging pungkasane bisa ditrima sawisé SBY njelasake dhéwé ing katrangan pers.[7]

Pranala njaba

[besut | besut sumber]
Wikicuplik duwé cuplikan ngenani: Susilo Bambang Yudhoyono
Wikisumber gadhah naskah sumber ingkang magepokan kaliyan

Cathetan sikil

[besut | besut sumber]
  1. ↑ Garda Maeswara, (2009), Biografi Pulitik Susilo Bambang Yudhoyono, Penerbit Narasi, ISBN 978-979-16817-5-9.
  2. ↑ Institute of Southeast Asian Studies, (2005), Indonésia: the challenge of change, Institute of Southeast Asian Studies, ISBN 978-981-230-243-4.
  3. ↑ Michelle Ann Miller, (2009), Rebellion and Reform in Indonésia: Jakarta's Security and Autonomy Polices in Acèh, Taylor & Francis, ISBN 978-0-415-45467-4.
  4. ↑ Greg Barton, (2002), Abdurrahman Wahid, Muslim democrat, Indonésian president: a view from the inside, UNSW Press, ISBN 978-0-86840-405-9.
  5. ↑ Presiden Terbang ke Malaysia, Dapat Gelar Dhoktor di Thailand
  6. ↑ Presiden Wujud Tim Percepatan Reformasi (detik.com) kaakses tanggal 22 Juli 2012
  7. ↑ Penjelasan Presiden RI soal UKP-PPR "UKP-PPR Bukan Merupakan Pos Pulitik" kaakses tanggal 22 Juli 2012
Dijupuk saka "https://jv.wikipedia.org/w/index.php?title=Susilo_Bambang_Yudhoyono&oldid=1701150"