Palanangan

Saka Wikipédia Jawa, bauwarna mardika basa Jawa
(Kaelih saka Penis)
Jump to navigation Jump to search
Anatomi sistem réprodhuksi lanang.
Sistem réprodhuksi lanang.

Palanangan, uga karan planangan, peli, konthol, utawa pénis (saka basa Latin kang tegesé "buntut") utawa ing Basa Jawa Krama pajaleran, kerep uga supaya luwih samar diarani manuk, iku sawijining organ èksternal (amarga papané ing jabané awak) minangka organ sèksual utawa wewadi lan organ réprodhuksi manungsa lanang.

Peli utawa pénis iki dalan uyuh nalika urinasi lan dalan banyu mani utawa spérma nalika éjakulasi. Peli bisa ngaceng utawa modhot lan ukurané bisa ping pindhoné ukurané biyasa.

Struktur[besut | besut sumber]

struktur

Pénis manungsa dumadi saka telung kolom tissue biologi: loro corpus cavernosum kang jèjèr ing sisih dorsal lan siji corpus spongiosum kang dumunung ing antarané ing sisih véntral.

Pérangan pucuk corpus spongiosum kang luwih gedhé mbentuk gathèl (endhas konthol), kang dilindhungi kulit karan ikut, kang tumraping wong diwasa bisa ditarik kanggo munculaké gathèl. Wewengkon ing ngisor pénis, papan nèmpèlé kulit, diarani frènulum.

Diagram anatomi pénis manungsa.

Urèter, minangka pérangan pungkasan saka saluran uyuh urinary tract, ngliwati corpus spongiosum, lan bukakané, diarani meatus (pocapan jroning Basa Inggris /miːˈeɪtəs/), dumunung ing pucuking gathèl. Iki minangka dalan uyuh lan mani nalika éjakulasi. Spérma diprodhuksi sajeroning pringsilan lan disimpen ing èpididymis. Sajeroning éjakulasi, spérma disurung menyang vas deferens, rong saluran kang ngliwati samburiné impes. Cuwèran ditambahaké déning sèminal vesicle lan disaluraké liwat saluran ejaculatory duct kang nggabung karo urèter ing sajeroning klanjer prostat. Prostat lan uga klanjer bulbourethral nambahi sèkrèsi, lan mani disemprotaké liwat pénis.

Pénis manungsa béda karo kang ana ing mamalia liyané, sebab ora duwé baculum, utawa balung èrèksi, lan gumantung marang engorgement nganggo getih supaya bisa èrèksi. Pénis manungsa uga ora bisa ditarik lan dilebokaké sajeroning kanthong kulit (groin), lan ukurane luwih gedhé tinimbang rata-rata kéwan miturut proporsiné.

Uga delengen[besut | besut sumber]

Pranala njaba[besut | besut sumber]

Wiktionary-logo.svg
Look up penis in Wiktionary, the free dictionary.