Palanangan

Saka Wikipédia Jawa, bauwarna bébas abasa Jawa
Anatomi sistem reproduksi lanang.
Sistem reproduksi lanang.

Palanangan utawa planangan utawa peli utawaPénis (saka basa Latin sing tegesé "buntut") utawa ing Basa Jawa Kramapajaleran utawa kerep uga supaya luwih samar diarani manuk, iku sawijining organ èksternal (amarga papané ing jabané awak) minangka organ sèksual utawa piranti kelamin lan organ réprodhuksi manungsa lanang.

Peli utawa Pénisiki dalan uyuh nalika urinasi lan dalan banyu mani utawa spérma nalika éjakulasi. Peli bisa ngaceng utawa modhot lan ukurané bisa ping pindhoné ukurané biyasa.

Struktur[besut | besut sumber]

struktur

Pénis manungsa dumadi saka telung kolom tissue biologi: loro corpora cavernosa sing jèjèr ing sisih dorsal lan siji corpus spongiosum sing dumunung ing antarané ing sisih ventral.

Pérangan pucuk corpus spongiosum sing luwih gedhé mbentuk glans penis, sing dilindhingi kulit utawa prepuce, sing tumraping wong diwasa bisa ditarik kanggo munculaké glan penis. Wewengkon ing ngisor pénis, papan nèmpèlé kulit, diaranifrenulum.

Diagram anatomi pénis manungsa.

Urèter, minangka pérangan pungkasan saka saluran uyuh urinary tract, ngliwati corpus spongiosum, lan bukakané, diarani meatus (pocapan jroning Basa Inggris /miːˈeɪtəs/), dumunung ing pucuk glans penis. Iki minangka dalan uyuh lan mani nalika ejakulasi. Sperma diprodhuksi sajeroning testis lan disimpen ing epididymis. Sajeroning ejakulasi, sperma disurung menyang vas deferens, loro saluran sing ngliwati samburiné kandhung kemih. Cuwèran ditambahaké déning seminal vesicle lan disaluraké liwat saluran ejaculatory duct sing nggabung karo urèter ing sajeroning kelenjar prostat. Prostat lan uga kelenjar bulbourethral gland nambahi sèkrèsi, lan mani disemprotaké liwat pénis.

Pénis manungsa béda karo sing ana ing mamalia liyané, sebab ora duwé baculum, utawa balung èrèksi utawa erectile bone, lan gumantung marang engorgement nganggo getih supaya bisa èrèksi. Pénis manungsa uga ora bisa ditarik lan dilebokaké sajeroning kanthong kulit (groin), lan ukurane luwih gedhé tinimbang rata-rata kéwan miturut proporsiné.

Uga delengen[besut | besut sumber]

Pranala njaba[besut | besut sumber]

Wiktionary-logo.svg
Look up penis in Wiktionary, the free dictionary.