Balung geger

Saka Wikipédia Jawa, bauwarna bébas abasa Jawa
(Dilih saka Balung mburi)
Gambar:Balung belakang.png
Pamérangan balung mburi manungsa

Balung geger utawa vertebra iku balung sing mbentuk geger sing gampang diobahaké. Ana 33 balung geger ing rangka manungsa, 5 ing antarané kagabung mbentuk pérangan sacral, lan 4 balung mbentuk balung buntut (coccyx).

Telung pérangan ing sakdhuwuré dumadi saka 24 balung sing dipérang dadi 7 balung cervical (gulu), 12 balung thorax (thoraks utawa dhadha) lan, 5 balung lumbal. Akèhé balung geger bisa uga ana angka oranormal-an. Pérangan paling arang kadadéan angka oranormal-an ya iku pérangan gulu.

Struktur umum[besut | besut sumber]

Sawijining balung geger dumadi saka rong pérangan ya iku pérangan anterior sing dumadi saka badan balung utawa corpus vertebrae, lan pérangan posterior sing dumadi saka arcus vertebrae. Arcus vertebrae diwangun déning loro "sikil" utawa pediculus lan loro lamina, sarta didhukung déning penonjolan utawa procesus ya iku procesus articularis, procesus transversus, lan procesus spinosus. Procesus mau mbentuk bolongan sing diarani foramen vertebrale. Nalika balung geger disusun, foramen iki bakal mbentuk saluran minangka papan sumsum balung geger utawa medulla spinalis. Ing antara loro balung geger bisa tinemu celah sing disebut foramen intervertebrale.

Balung geger cervical[besut | besut sumber]

Lumrahé duwé wangun balung sing cilik kanthi spina utawa procesus spinosus (pérangan kaya swiwi ing mburi balung) sing cendhak, kajaba balung angka 2 lan 7 sing procesus spinosusé cendhak. Diwènèhi nomer miturut urutan saka C1-C7 (C saka cervical), nanging sawetara duwé sebutan mirunggan kaya C1 utawa atlas, C2 utawa aksis.

Saben mamalia duwé 7 balung geger gulu, sanajan sepira dawaning gulu.

Balung geger thorax[besut | besut sumber]

Diagram balung geger thorax.

Procesus spinosusé bakal nyambung karo balung iga. Sawetara bisa kanggo obahan muter. Pérangan iki dikenal uga minangka 'balung geger dorsal' sajeroning konteks manungsa. Pérangan iki diwènèhi nomer T1 hingga T12.

Balung geger lumbal[besut | besut sumber]

Pérangan iki (L1-L5) minangka pérangan paling tegap konstruksiné lan nanggung beban paling abot saka balung liyané. Pérangan iki bisa kanggo obahan fleksi lan ekstensi awak, lan sawetara obahan rotasi sethithik.

Balung geger sacral[besut | besut sumber]

Ana 5 balung ing pérangan iki (S1-S5). Balung-balung kagabung lan ora duwé celah utawa diskus intervertebralis siji lan sijiné.

Balung geger coccygeal[besut | besut sumber]

Ana 3 nganti 5 balung (Co1-Co5) sing silih gabung lan tanpa celah. Sawetara kéwan duwé balung coccyx utawa balung buntut sing akèh, mula saka iku diarani balung geger kaudal (kaudal tegesé buntut).

Uga delengen[besut | besut sumber]

Réferènsi[besut | besut sumber]