Bèlgi

Royaume de Belgique
Koninkrijk België
Königreich Belgien


Gendhèra Bèlgi	Lambang Bèlgi

Sesanti: L'union fait la force
Lagu Kabangsan :La Brabançonne

Basa resmi

basa Prancis, basa Walanda

.be

32

Bèlgi iku nagara ing jagad Éropa. Sing ndunungi cacahé kira-kira ana 10 yuta. Kutha krajané iku Brusel. Nagara iki ing sisih lor wewatesan karo Walanda, ing sisih wétan karo Jerman lan ing sisih kidul karo Perancis lan Luksemburg. Déné ing sisih kulon Bèlgi wewatesan karo Sagara Lor, ing sebrangé Britania Raya.

Dhémografi

Bèlgi dipanggoni déning sawatara bangsa ya iku:

Suku bangsa Flandria (Vlamingen) kang nganggo basa Walanda (~ 60%)
Suku bangsa Walonia (Wallons) kang nganggo basa Perancis (~ 35%)
Suku bangsa Jerman (Deutschen) kang nganggo baha Jerman (kurang saka 1%)

Aspek-aspek basa lan budaya iki akèh mènèhi warna sajarah Bèlgi. Puluhan taun suwéné, bebrayan Flandria didiskriminasi déning bebrayan Walonia, sanajan cacahé luwih akèh. Nembé ing abad angka 20, sithik mbaka sithik situasi dadi luwih apik, nganti saiki ékonominé tansaya apik.

Pamérangan administratif

**Bèlgi kapérang dadi 3 komunitas lan 3 kawasan.**
Komunitas Flandria (Penutur basa Walanda)	Komunitas Prancis (Penutur basa Perancis)	Komunitas penutur Jerman
kawasan Flandria	kawasan Walloon	kawasan Brusel-Kutha krajan

Konstitusi nagari iki direvisi tanggal 14 Juli 1993 kanggo nyiptakaké nagara fédheral kang unik, dhedhasar telung tataran:

Pamaréntah fédheral, basis ing Brusel.
3 masarakat basa:
3 kawasan (kang béda saka komunitas ngèlingi marang anané komunitas penutur basa Jerman ing kawasan Brusel):
- Kawasan Flandria;
- Kawasan Walloon; lan
- Kawasan Brusel-Kutha krajan.

Konflik antarané komunitas mau dirampungké déning Pengadilan Arbitrasi. Pengaturan iku minangka kompromi antara budaya-budaya kang béda-béda nanging urip bebarengan sarana damai.