Balung selangka

Clavicula kiwa - katon ndhuwur

Clavicula tengen - katon ngisor

Jroning anatomi manungsa, balung selangka utawa clavicula iku balung sing mbentuk bahu lan ngubungaké lengen ndhuwur ing awak.

Ikhtisar

Clavicula awangun kurva-gandha lan dawa. Iki siji-sijiné balung sing dawa horizontal ing awak. Dumunung ing ndhuwur balung iga pisanan. Ing ujung medial, clavicula mawa sendhi ing manubrium saka sternum (balung dhadha) ing sendi sternoclavicularis. Ing bagéan ujung lateral mawa sendhi kanthi acromion saka scapula (balung walikat) kanthi sendi acromioclavicularis.

Tumrap wanita, clavicula luwih cendhak, tipis, kurang mlengkung, lan permukaané luwih alus.

Fungsi

Clavicula migunani kanggo:

• Minangka ganjel kanggo ngadohaké anggota gerak ndhuwur saka bagéan dhadha supaya lengen bisa obah kanthi leluasa.
• Nerusaké goncangan saka anggota obah ndhuwur menyang kerangka awak (aksial).

Senadyan diklompokaké jroning balung dawa, clavicula iku balung siji-sijiné sing ora nduwèni rongga sumsum balung kaya ing balung dawa liyané. Clavicula kasusun saka balung spons.

Panèmpèlan

Otot-otot lan ligamentum sing nèmpèl ing clavicula:

Permukaan superior:

• Otot deltoideus ing bagéan tuberculum deltoideus
• Otot trapezius

Permukaan inferior:

• Otot subclavius ing sulcus musculi subclavii
• Ligamentum conoideum (bagéan medial saka ligamentum coracoclaviculare) ing tuberculum conoideum
• Ligamentum trapzoideum (bagéan lateral saka ligamentum coracoclaviculare ing linea trapezoidea

Batas anterior:

• Otot pectoralis mayor
• Otot deltoideus
• Otot sternocleidomastoid
• Otot sternohyoideus
• Otot trapezius

Perkembangan

Clavicula iku balung pisanan sing ngalami prosès pangerasan osifikasi sajroning perkembangan embrio minggu ka-5 lan 6. Clavicula uga minangka balung pungkasan sing ngrampungaké prosès pangerasan yakuwi ing umur 21 taun.

Cidra umum

• Dislokasi acromioclavicularis
• Dislokasi sternoclavicular
• Fraktur (patah) clavicula
• Osteolisis
• Degenerasi clavicula

Deleng uga

• Istilah lokasi anatomi
• Istilah gerakan anatomi
• Daftar balung rangka manungsa

Pranala njaba

• Ilustrasi
• Fraktur

Referensi

• Chung, Kyung. Board Review Series: Gross Anatomy, 4th edition.
• Moore, Keith L. and Arthur F. Dalley. Clinically Oriented Anatomy, 4th edition.
• Stedman's Medical Dictionary, 27th edition.
• Mosby's Medical, Nursing, and Allied Health Dictionary, 5th ed.