Balung

Balung utawa kerangka iku panopang awak manungsa. Tanpa balung, mesthi awak kita ora bisa ngadeg. Balung wiwit kabentuk wiwit bayi jroning kandhutan, lumangsung terus nganti dekade kaloro jroning susunan sing tumata.

Tuwuhing balung

Tuwuhing balung nganti pepak kabentuk ing umur kurang luwih 30 taun. Sawisé iku ana uga owah-owahan sing disebut remodelling. Balung minangka reservoir paling gedhé tumrap kalsium lan phosphate. 99% kalsium ana ing (1000 gram) saka cacahing kalsium ing awak, déné phosphate jroning balung nganti 90% saka phosphate jroning awak.

Jinis balung

Saka wanguné, balung bisa dipérang dadi: balung pipa (kaya balung hasta lan tibia), balung pipih (kaya balung iga, balung dhadha), lan balung cendhak (balung-balung tlapak tangan, ugel-ugel tangan).

Saka panyusuné balung bisa dibédakaké minangka:

• balung kompak ya iku balung sing disusun saka unit Osteon utawa sistem Havers.
• balung spons ya iku balung sing duwé bolongan-bolongan utawa rongga.

Uga delengen

• Daftar balung rangka manungsa