Andrew Johnson

Saka Wikipédia Jawa, bauwarna bébas abasa Jawa
Andrew Johnson
President Andrew Johnson.jpg
Présidhèn Amérika Sarékat angka 17
Lungguh
15 April 1865 – 4 Maret 1869
Kadhisiki Abraham Lincoln
Kagantèni Ulysses Grant
Pratélan Wakil Présidhèn Amérika Sarékat angka 16
Lungguh
4 Maret 1865 – 15 April 1865
Présidhèn Abraham Lincoln
Kadhisiki Hannibal Hamlin
Kagantèni Schuyler Colfax
United States Senator
from Tennessee
Lungguh
4 Maret 1875 – 31 Juli 1875
Kadhisiki William Brownlow
Kagantèni David Key
Lungguh
8 Oktober 1857 – 4 Maret 1862
Kadhisiki James Jones
Kagantèni David Patterson
Gubernur Tennessee
Lungguh
17 Oktober 1853 – 3 November 1857
Kadhisiki William B. Campbell
Kagantèni Isham G. Harris
Gubernur Militer Tennessee
Lungguh
12 Maret 1862 – 4 Maret 1865
Kadhisiki Isham G. Harris
Kagantèni Edward H. East
sebagai Pejabat Gubernur
Member of the U.S. House of Representatives
from Tennessee's kaping 1 district
Lungguh
4 Maret 1843 – 3 Maret 1853
Kadhisiki Thomas Arnold
Kagantèni Brookins Campbell
Rerincèn priangga
Lair (1808-12-29)Dhésèmber 29, 1808
Raleigh, Karolina Utara, Amérika Sarékat
Pati Juli 31, 1875(1875-07-31) (umur 66)
Elizabethton, Tennessee, Amérika Sarékat
Parté pulitik Dhémokrat
Gayutan pulitik liya Persatuan Nasional (1864–1868)
Sisihan Eliza McCardle
Anak Martha
Charles
Mary
Robert
Andrew
Propési Penjahit
Agama Kristen Non-denominasional[1][2]
Tandha tangan Cursive signature in ink

Andrew Johnson (lair ing Raleigh, North Carolina, 29 Dhésèmber 1808 – pati ing Elizabethton, Tennessee, 31 Juli 1875 ing yuswa 66 taun) ya iku présidhèn Amérika Sarékat angka 17 lan njabat ing 1865 tekan 1869.[3] Muturut konstitusi, Andrew Johnson sing njabat minangka Wakil Présidhèn sing otomatis dadi présidhèn nalika Présidhèn Abraham Lincoln tilar donya ing prastawa rajapati.[4] Panjenengané uga salah sijining présidhèn Amérika Sarékat sing nikah ing yuswa paling enom, nalika dina nikahé 5 Mèi 1827, panjenengané 18 taun yuswané, ananging garwané, Eliza McCardle, yuswané 16 taun.

Mangsa cilik[besut | besut sumber]

Andrew Johnson dilairaké 29 Dhésèmber 1808. Wong Tuwané mlarat. Bapaké salah sijining tukang jaga lawang ing salah sijining papan panginepan, lan ibuké tilas pelayan ing panginepan mau.[5]

Andrew Johnson ora tau disekolahaké, ananging lekas sinau dhéwé nalika umuré isih enom. Nalika enom, panjenengané makarya ing salah sijining tukang jait, kanthi karep kanggo dadi tukang jait. Ananging panjenengané salanjuté mlayu ing salah sijining kutha ing Tennessee lan ing papan iku panjenengané mbukak salah sijining toko jait klambi.[6]

Karir pulitik[besut | besut sumber]

Andrew Johnson nglamar anaké tukang sepatu. Garwané, sing pendhidhikané apik, nyurung Andrew Johnson ing usaha-pangudiné kanggo yasa awaké dewé kanthi sinau. Ora suwé, panjenengané wés kasil nglumpukaké kauletan-kauletan lan jeneng apik ing kalangan masarakat minangka warga sing paling kaloka. Panjenengané nduwé rasa perhatian ing masalah-masalah kemasyarakatan lan ing akhiré nggawa masalah iku ing donya pulitik. Panjenengané dadi anggota Dewan Kotapraja, salanjuté njabat minangka walikutha, lan salanjuté iku wakil praja lan senator.[7]

Ing yuswa 35 taun panjenengané dadi anggota ing Kongrès Amérika lan njabat sasuwéné sepuluh taun. Salanjuté panjenengané dadi Gubernur Tennesse lan sawisé iku dadi senator sasuwéné limang taun.[8]

Mangsa Kaprèsidhènan[besut | besut sumber]

Ing tanggal 15 April 1865, sawisé Présidhèn Lincoln tilar donya amarga rajapati, Andrew Johnson diangkat dadi présidhèn.[9]

Sasuwené mangsa jabatané, rong amandemèn wes ditambahaké ing kongrès Amérika. Amandemèn sing ditambahaké ya iku[10]:

  1. Ngilangaké babagan batur tukon ing Amérika Sarékat lan ngukuhaké wong-wong négro minangka warga nagara Amérika, lan nglarang diskriminasi kanggo golongan iku. Undang-undang iki kaloka minangka undang-undang Hak Sipil taun 1866.
  2. Ora ana praja sing olèh nyabut jiwa, kabebasan utawa harta bendané salah sijining wong tanpa lumantar ukum sing mlaku.

Présidhèn Andrew Johnson ya iku anggota saka Parté Dhémokrat Amérika Sarékat, padahal Lincoln asalé saka Parté Parté Républik Amérika Sarékat. Panjenengané ora dikancani karo wakil présidhèn. Sasuwené nyekel jabatané, panjenengané béda pamikirian karo kongres, luwih-luwih karo anggota-anggota parté républik sing radikal. Golongan iki nyekel peran nalika mutusaké salah sijining undang-undang, kalebu mbatalaké veto salah sijining présidhèn. Kanggo sing kapisan ing sajarah kongrès kasil mbatalaké putusan présidhèn babagan salah sijining undang-undang wigati. Para anggota padha usaha kanggo mbatesi kanthi ketat kuasané présidhèn kanthi netapaké jumlah rancangan undang-undang lan nalika Présidhèn Andrew Johnson nglirwakaké salah sijining peraturan iku kanthi mecat Menteri Perangé, pamriksaan pelanggaran dikenèkaké kanggo panjenengané lan panjenengané diadili déning senat Amérika Sarékat, ananging panjenengané dibébasaké saka tuduhan kanthi béda siji swara.[11]

Nalika taun 1869 Présidhèn Andrew Johnson ninggal Gedung Putih lan bali ing praja Tennessee.[12]

Ing taun 1875, enem taun sawisé ninggal Gedung Putih, Andrew Johnson bali ing Washington, D.C. minangka Senator. Panjenengané tilar donya pirang wulan salanjuté ing tanggal 31 Juli 1875 sawisé diserang lelara lumpuh. Panjenengané ninggal garwa siji, putra telu lan putri loro.[13]

Uga delengen[besut | besut sumber]

Bibliografi[besut | besut sumber]

Sumber Primer[besut | besut sumber]

Cathetan sikil[besut | besut sumber]

  1. ^ "American President: Andrew Johnson: Family Life". Miller Center of Public Affairs at the University of Virginia. Dijupuk May 26, 2009. 
  2. ^ Milton, George Fort (1930). The Age of Hate: Andrew Johnson And The Radicals. New York: Coward-McCann. k. 80. ISBN 1417916583. OCLC 739916. As for my religion, it is the doctrine of the Bible, as taught and practiced by Jesus Christ.  Punjul saka siji saka |pages= lan |page= sing kudu diisi (pitulung)
  3. ^ http://www.whitehouse.gov/about/presidents/andrewjohnson
  4. ^ Suhindriyo. 1999. Biografi Singkat Présidhèn-Présidhèn Amérika Sarékat. Yogyakarta: Yayasan Pustaka Nusatama, hal.61.
  5. ^ http://www.answers.com/topic/andrew-johnson
  6. ^ http://americanhistory.about.com/od/andrewjohnson/p/pajohnson.htm
  7. ^ http://statelibrary.ncdcr.gov/nc/bio/public/johnson.htm
  8. ^ http://www.biography.com/articles/Andrew-Johnson-9355722
  9. ^ http://www.historycentral.com/bio/presidents/johnson.html
  10. ^ http://andrewjohnsonbiography.com/
  11. ^ http://millercenter.org/academic/americanpresident/johnson
  12. ^ http://people.famouswhy.com/andrew_johnson/
  13. ^ http://www.who2.com/andrewjohnson.html

Pranala njaba[besut | besut sumber]