James Buchanan
James Buchanan (lair ing Mercersburg, Pennsylvania, 23 April 1791 – pati ing Lancaster, Pennsylvania, 1 Juni 1868 ing umur 77 taun) ya iku Présidhèn Amérika Sarékat (1857–1861) angka 15[1]. Panjenengané njabat ing taun 1857-1861[2]. Buchanan asalé saka parté Dhémokrat lan didampingi déning wakil présidhèn John C. Breckinridge[3].
Panjenengané dianggep kontroversial amargan dukung obahan pro perbudakan ing Amérika, kang salanjuté muncak dadi Perang Saudara Amérika[4].
Ing taun 1857, nalika Buchanan lekas njabat dadi Présidhèn, Amérika Sarékat kanthi rikat lekas kapecah belah amarga masalah perbudakan wong-wong Negro. Kanggo nutup kapecahan kang saya gedhé iku (kang salanjuté pecah dadi Perang Sedulur), Présidhèn James Buchanan nggondeli ing katetepan Konstitusi, tanpa nyadari manawa pérangan Lor kang anti perbudakan ora bakal nrima putusan-putusan konstitusi kang nguntungaké pérangan kidul kang pro-perbudakan[5].
Awal Karir
[besut | besut sumber]James Buchanan dilairaké ing praja Pensilvania tanggal 23 April 1791[1].
Wong tuwané kalebu wong kang sugih. Buchanan deéwé duwé bakat minangka ahli-debat lan pinter ing babagan hukum. Tingkat kariré kalebu; ping lima dipilih minangka anggota Dewan Perwakilan Rakyat, njabat Duta Amérika Sarékat ing Ruslan, dadi anggota senat sasuwené sepuluh taun katurut-turut, dadi mantri jaban rangkah sangisoré Présidhèn James K. Polk, lan dadi Duta Amérika kanggo Inggris sangisoré Présidhèn Franklin Pierce. Sasuwené panjenengané njabat minangka Mantri Luar Negeri, rakyat Amérika pada ngargai amarga kepinterané babagan ngenekaké perundingan-perundingan diplomatik, omongan-omongané kang teges lan moderat ing papan umum. Nanging panjenengané gagal nalika arep ngenekaké proyek kang panjenengané pangeni banget, ya iku ndadèkaké Kuba lumebu ing wewengkon Amérika Sarékat kanthi dalan pendudukan utawa pembelian, salah sijining rencana kang terus panjengengané usahani sasuweni panjenengané gerak ing babagan pulitik[5].
Rujukan
[besut | besut sumber]- ↑ a b http://www.americanpresidents.org/presidents/president.asp?PresidentNumber=15
- ↑ http://millercenter.org/academic/americanpresident/buchanan
- ↑ Suhindriyo. 1999. Biografi Singkat Présidhèn-Présidhèn Amérika Sarékat. Yogyakarta: Yayasan Pustaka Nusatama, hal.52.
- ↑ http://deila.dickinson.edu/theirownwords/author/BuchananJ.htm
- ↑ a b http://americanhistory.about.com/od/jamesbuchanan/p/pbuchanan.htm
- Buku Présidhèn-Présidhèn Amérika Sarékat, diterbitake déning Dinas Penerangan lan Kebudayaan Amérika Sarékat, Jakarta (2003)
 |
Wikicuplik duwé cuplikan ngenani: James Buchanan |
