Joe Biden

Saka Wikipédia Jawa, bauwarna mardika basa Jawa
Joe Biden

Joseph Robinette "Joe" Biden, Jr. (lair ing Scranton, Pennsylvania, 20 November 1942) iku pulitikus lan pengacara Amérika Sarékat saka Wilmington, Delaware. Biden iku anggota Parté Dhémokrat lan Senator senior saka Delaware, wektu iki ing sajeroning mangsa kalungguhan kaping 6. Biden tau nyalonaké dhiri sajeroning pamilihan présidhèn 1988 lan 2008 nanging banjur mundur. Ing tanggal 22 Agustus 2008, diumumkaké yèn Barack Obama wis milih Biden minangka pasangan bakal calon wakil presidhèné sajeroning pamilihan présidhèn 2008[1]. Saiki, dheweke njabat minangka presiden Amerika wiwit taun 2021.

Biden dilairaké ing Scranton, Pennsylvania, saka kulawarga Joseph R. Biden, Sr. lan Catherine Eugenia Finnegan. Biden anak pambarep saka 4 sesadulur lan digulawentah sajeroning lingkungan agama Katulik Roma. Kulawarga iki pindah menyang Delaware nalika Joe Biden umur 10 taun. Ing taun 1961, Biden lulus saka Archmere Academy in Claymont, lan taun 1965 saka University of Delaware ing Newark. Biden banjur nerusaké pendhidhikan menyang Syracuse University College of Law, lulus taun 1968.

Taun 1966 Biden nggarwa Neilia Hunter. Kulawarga iki pinaringan anak telu, Joseph R. III (Beau), Robert Hunter, lan Naomi. Garwa lan putrané sing isih bayi tiwas sajeroning kacilakan montor ora suwé sawisé Biden kapilih dadi senator ing taun 1972. Kaloro anak lanang uga tatu abot sajeroning kadadéan mau. Ing taun 1977, Biden nikah karo Jill Tracy Jacobs lan pinaringan putra siji, Ashley.

Wacan rujukan[besut | besut sumber]

  • Barone, Michael; Richard E. Cohen (2005). Almanac of American Politics. Washington: National Journal Group. ISBN 0-89234-112-2.
  • Boyer, William W. (2000). Governing Delaware. Newark, DE: University of Delaware Press. ISBN 0-87413-721-7.
  • Peirce, Neil R.; Michael Barone (1977). Mid-Atlantic States of America. New York: W.W. Norton & Co. ISBN 0-393-05541-8.
  • Cohen, Celia (2002). Only in Delaware, Politics and Politicians in the First State. Newark, DE: Grapevine Publishing.

Réferènsi[besut | besut sumber]

  1. BarackObama.com (2008). Situs kampanye Barack Obama mengumumkan pilihan bakal calon wakil presiden. Diambil pada 23 August, 2008.

Pranala njaba[besut | besut sumber]

Cithakan:Navigasi Pamilihan Présidhèn Amérika Sarékat, 2008